Braziliya yığması ciddi itki ilə üzləşib.

"Football-plus.az" xəbər verir ki, yarımmüdafiəçi Lukas Paketa zədə səbəbindən DÇ-2026-nın 1/8 final oyununu buraxacaq. Yaponiya üzərində 2:1 hesablı qələbə ilə başa çatan 1/16 final matçında budun arxa nahiyəsində ağrı hiss edən futbolçu ilk hissəni başa vursa da, fasilədə əvəzlənmişdi.

Braziliya Futbol Konfederasiyasının məlumatına görə, tibbi müayinə nəticəsində futbolçunun sol budunun arxa əzələsində zədə olduğu təsdiqlənib. Paketa bu zədə səbəbindən dünya çempionatının 1/8 final mərhələsində komandasına kömək edə bilməyəcək.

Braziliya 1/8 finalda Norveç ilə qarşılaşacaq.