Klubu Erikseni qorumağa çalışacaq

Deyəsən, Niderland - Danimarka matçının (4:2) Kristian Eriksen üçün əlamətdar olması “Brentford” rəhbərliyini ümidləndirib.

Xatırladaq ki, AÇ-2020-nin qrup mərhələsinin iyunun 12-də keçirilən Danimarka – Finlandiya matçının (0:1) ilk hissəsində huşunu itirən Erikseni 15 dəqiqəlik tibbi müdaxilədən sonra həyata qaytarmaq mümkün olmuşdu. Onun ürəyinə kordioverter-defibrillyator qoyulub. Belə vəziyyətdə İtaliyada oynamaq qadağan edildiyindən, “İnter” Kristianla müqaviləni pozmalı olmuşdu.

Qışda “Brentford”la 6 aylıq müqavilə bağlayan danimarkalı yaşıl meydana qayıdışından sonra ilk qolunu Niderlanda qarşı yoldaşlıq matçında vurmuşdu. Bu, həm də 30 yaşlı yarımmüdafiəçinin 9 aylıq fasilədən sonra milli formadakı ilk oyunu olmuşdu. İndi “Brentford” Kristianla müqavilənin müddətini artırmağı planlaşdırır. Rəhbərlik bu addımı həm də onun başqa klublara yollanmasının qarşısını almaq üçün atmağı vacib sayır.