“Futbol+”in ümummilli sorğusunda 2025-ci ilin ən yaxşı futbolçusu seçilən Elvin Cəfərquliyevi “Qarabağ”da saxlamaq, deyəsən, çətin olacaq. Az qala hər gün bir cəlbedici təklif alan futbolçunu oyuna kökləmək, ondan ən yaxşı səviyyədə çalışmağı tələb etmək get-gedə çətinləşir. “Ayntraxt” üzərindəki möhtəşəm qələbədə əvəzsiz rolu olan sol cinah müdafiəçisinin müştəriləri sırasına “Fənərbaxça” da qoşulub. Özü də görün necə təkliflə! Qonşu ölkənin “Gettosport” adlı media-xəbər şirkətinin iddiası: “25 yaşına rəğmən, Çempionlar Liqasında göstərdiyi performansla Liqa 1 və A seriyası klublarının diqqətini çəkən sol cinah müdafiəçisi Elvin Cəfərquliyevin xidmətində maraqlı olan bir komanda da “Fənərbaxça”dı. “Fənərbaxça” Elvin üçün 10 milyon avro teklif etməyi düşünür”.
Öz aramızdı, “Fənər” 10 milyon avro təklif etsə, bunun qabağında kim dayana bilər?!
ORXAN