Dünya çempionatı öncəsi Türkiyə yığması sürpriz, hətta şok bir zədə xəbəri ilə sarsılıb.

''Yuventus''un ulduzu Kənan Yıldız son məşqdə baldırından zədələnib. Tibbi müayinə zamanı onun zədəsinin gözləniləndən ciddi olduğu üzə çıxıb. Bu xəbər ''Yuventus'' cəbhəsində böyük üzüntüyə səbəb olub. Çünki ''Yuve'' son turda ''Torino'' ilə qarşılaşacaq və bu oyun Çempionlar Liqasına vəsiqə baxımından çox mühüm əhəmiyyət kəsb edir. Bəlkə də mövsümün ən vacib oyununda Turin nəhəngi əsas futbolçusunun xidmətindən faydalana bilməyəcək.

''Qazetto dello Sport''un xəbərində qeyd olunub ki, gənc oyunçunun durumu Türkiyə yığmasının düşərgəsində də ciddi narahatlığa səbəb olub. Hətta 2-3 həftəliyə sıradan çıxan Kənanın iyunun 14-də qrupun Avstraliyaya qarşı ilk oyununu buraxması ehtimalı da var.

Düzdü, bu, ən pis ehtimaldı. Yığmanın baş məşqçisi Vinçentso Montellanın sistemində Yıldız mühüm yer tutur və o, bu futbolçunun mundialın startına qədər tam sağalacağına ümid bəsləyir. Türkiyə yığmasının tibbi personalı dünəndən etibarən ''Yuve''nin həkimləri ilə sıx əlaqədədi.