“Yuventus”un türkiyəli ulduzu Kənan Yıldız barədə şayiələr bitmək bilmir.

"Football-plus.az" xəbər verir ki, səviyyəsini göz görə-görə artıran Kənana Avropa nəhənglərinin marağı davam edir.

“Transfermarkt”a inansaq, bu aydan etibarən Yıldızın dəyəri 75 milyon avroya yüksəlib. Bununla da o, Türkiyə yığmasında forma geymiş ən dəyərli futbolçu kimi tarixə düşüb! Bu arada “Yuventus”la 20 yaşlı futbolçunun yeni maaşla bağlı fikir ayrılığı yaşaması barədə xəbərlər peyda olan kimi transfer iddiaları da baş qaldırdı.

Bir neçə gün öncə “Qazetto dello Sport” iddia etmişdi ki, “Yuve” rəhbərliyinin illik 5 milyon avroluq təklifi Yıldız ailəsini qane etməyib. Türkiyəlinin indiki illik maaşı 1,5 milyon avrodu. Atası Əngin Yıldız oğlunun sürətli inkişafını və son dönəmlərdə sərgilədiyi performansı əsas gətirərək Turin nəhəngindən daha çox pul tələb edib. İngiltərə mətbuatında Kənanla bağlı mühüm bir transfer iddiası ortaya atıldı. Onun “Mançester Yunayted”, “Arsenal” və “Çelsi” kimi nəhənglərin hədəfində olduğu onsuz da bəlli idi. “Caught Offside” nəşrinin yazdığına inansaq, “Yunayted” artıq ciddi addımlar atmağa və “Yuventus”a 90 milyon avroluq təklif irəli sürməyə hazırlaşır. Təbii ki, “qoca sinyora” aparıcı isimlərindən birini itirmək istəmir. Amma “Yuve”nin belə astronomik təklif alacağı təqdirdə onu geri çevirəcəyi inandırıcı görünmür.

Bu mövsüm turinlilərin heyətində 8 rəsmi oyunda hesabına 2 qol, 4 məhsuldar ötürmə yazan Kənanın klubla 2029-cu ilə qədər müqaviləsi var. Bu arada “Yuve” tarixinin və Fransa futbolunun əfsanələrindən olan Mişel Platini Kənan Yıldızla bağlı diqqətçəkən açıqlamalar verib. O, türkiyəli ulduzun düzgün mövqedə oynadılmadığını iddia edib: