Karyerasını ''Yuventus''da davam etdirən Kənan Yıldız İtaliya çempionatında ayın ən yaxşı qolunun müəllifi olub.

Gənc türkiyəli ulduzun 20-ci turda Turin derbisində səfərdə ''Torino''ya vurduğu qol A seriyasında yanvar ayının ən yaxşı qolu seçilib. Turnirin rəsmi saytında bununla bağlı yerləşdirilən məlumatda həmin qolun fanatlar arasındakı səsvermədə ən çox səs toplayan qol olduğu qeyd olunub.

Yıldız bu qolu bir rəqibindən sıyrıldıqdan sonra cərimə meydançasına daxil olmadan sol ayağı ilə vurmuşdu. Türkiyə yığmasının üzvü bu nominasiyada ''İnter''li Lautaro Martinesin ''Empoli''yə vurduğu qola qalib gəldi. Kənanın bu mövsüm ''Yuve''nin heyətində 33 rəsmi oyunda 6 qol, 5 məhsuldar ötürməlik performans sərgilədiyini bildirək.

19 yaşlı vingeri A seriyasında ayın qolunun müəllifi seçilməsi münasibətilə Türkiyə yığmasının rəsmi ''iks'' (tvitter) səhifəsi də təbrik edib.

ƏLİ