“Müəyyən işlərlə bağlı İstanbula təşrif buyurmuşduq. “Qalatasaray”ın sabiq prezidenti Adnan Polad bundan xəbər tutandan sonra bizi ofisinə dəvət etdi, orda söhbət zamanı mərasimdə iştirak etməyimizi istədi. Təbii ki, onu qıra bilməzdik. Odu ki, Adnan bəyin lojasında mərasimi izlədik. Çox maraqlı idi. Sualınıza gəlincə, azarkeşlərə nəzər yetirmək lazımdı. Bir klubun strategiyasında, inkişafında tərəfdar böyük rol oynayırsa, klub belə möhtəşəm tədbir keçirməyə borcludu. “Qalatasaray” öz camiəsinin belə mötəbər mərasimdə iştirak etməsi üçün hər fədakarlığı etmişdi. Qurulan səhnələr, futbolçuların təqdimatı, azarkeşlərin reaksiyası bu tədbiri daha da möhtəşəm etdi. Sanki tədbirin aparıcıları kimlərsə yox, məhz tərəfdarlar idi. Onlar matçlarda komandalarının qələbələrində necə rol oynayırdısa, bu tədbirdə də elə etdi. Belə mərasimin ölkəmizdə keçirilməsi üçün azı 20-30 il lazımdı. Bizdə hələ azarkeş mədəniyyəti formalaşmalıdı. Klublar tərəfdarlardan, fanat qruplarından çəkinməlidilər. Kəsəsi, nə vaxt azarkeşlər klubların strategiyasının formalaşmasında rol oynasa, ölkəmizdə də belə tədbirlər olacaq”.