''Qalatasaray'' meydanda, klubun fanatları isə tribunalarda adından söz etdirməkdə davam edir.

"Football-plus.az" xəbər verir ki, Türkiyə çempionu son iki ev matçında ''Liverpul'' və ''Bude/Qlimt''i məğlub edərək Çempionlar Liqasında uzun illərdən sonra ilk dəfə ardıcıl iki qələbə qazandı.

Hər iki qarşılaşmaya da fanatların ''Rams Park''da yaratdıqları atmosfer damğa vurdu. Rəqiblər sözün əsil mənasında bu oyunlarda cəhənnəmi hiss etdilər. Fanatların yaratdığı səs-küy və uğultu isə ''Cim-Bom'' üçün sanki əlavə bir silahdı. ''Liverpul''lu Məhəmməd Salah İstanbulda ehtiyat skamyaya əyləşərkən əlləri ilə qulaqlarını tutmuşdu. Çərşənbə günkü oyunda isə ''Bude/Qlimt''in baş məşqçisi Kyetil Knutsen ''Rams Park''a qulaq tıxacı taxaraq çıxmışdı. Amma bunun ona faydası olmadığından oyunun gedişində həmin tıxacları çıxarmışdı. Bunu Knutsen oyunsonrası mətbuat konfransında özü etiraf etmiş və hətta səs-küydən baş ağrısından əziyyət çəkdiyini də bildirmişdi.

Bu arada ''Qalatasaray''ın media üzrə əlaqələndiricisi Coşkun Gülbahar yayılan iddialarla bağlı Norveçin ''Daqbladet'' nəşrinə acıqlamalar verib. Son matçın ardından sosial şəbəkələrdə və bəzi mənbələrdə belə iddia ortaya atılmışdı ki, guya ''Rams Park''da uğultu və fit səsləri süni şəkildə gücləndirilir. Yəni o səslər əslində səsgücləndirici və mikrofonlarla yaradılır. Amma Gülbahar bu iddianı təkzib edərək bunlarla deyib: