Öz dönəminin tanınmış yarımmüdafiəçilərindən olmuş, ''Barselona'' və ''Mançester Siti''də böyük uğurlar qazanmış Yaya Ture ''Qalatasaray''la bağlı paylaşımlarını davam etdirir.

"Football-plus.az" xəbər verir ki, hazırda 42 yaşı olan Ture neçə vaxtdı məşqçiliyə hazırlaşır. O, bir ara ''Tottenhem''in akademiyasında çalışmış, daha sonra ''Standard'' və Səudiyyə Ərəbistanı yığmasında köməkçi kimi işləmişdi. Ture praktika keçmək və Okan Burukun iş metodunu izləmək üçün ''Qalatasaray''ın bazasını ziyarət edib.

43 yaşlı kot d'İvuarlı futbol adamının 3,2 milyonluq ''instaqram'' səhifəsində son 3 paylaşımı ''Qalatasaray''a aiddi. Çərşənbə günü məşqçilər korpusu ilə çəkdirdiyi şəkili paylaşaraq ''Okan Buruk və ''Qalatasaray''ın məşqçilər korpusu ilə söhbət etmək, onların fikirlərini dinləmək möhtəşəm bir təcrübə oldu. Kluba qonaqpərvərliyə görə təşəkkürlər'' ifadəsini yazan Ture daha sonra kubok matçında ''Rams Park''da çəkdirdiyi şəkili paylaşdı.

Cümə axşamı isə o, futbolçularla, eləcə də sabiq komanda yoldaşı İlkay Gündoğan ilə olan şəkillərini paylaşdı.