Misli premyer-liqasının 21-ci turundan təxirə salınan oyunda “Qarabağ” səfərdə “Neftçi”yə uduzdu – 1:2.

“Football-plus.az” ağdamlıların baş məşqçisi Qurban Qurbanovun oyunsonrası mətbut konfransından hesabatı təqdim edir.

- "Neftçi"ni təbrik edirəm. Bu gün çox istəkliydilər. Vuruşdular, yaxşı müdafiə olundular. Öz futbolçularımdan razı qaldım, yaxşı xarakter göstərdilər. Məğlub durumda olsaq da, daim rəqibin üzərinə getdilər. Futbolçulara dedim ki, bu oyunda rəqib daha hazırlıqlı, fəal olacaq. Deyəcək söz yoxdu. Yaxşı futbol ab-havası var idi. Bizə xeyli istirahət lazımdı. 4 gündən sonra oyun olacaq. ÇL-dən uzaq olasq da, hələ də sıx qrafik içindəyik. Bu il futbolçularımız üçün çox yaxşı təcrübəli ili oldu. Biz məşqçilər üçün də. Futbolçuların ümumi fiziki potensialını daha yaxından tanıdıq. Futbolçular çox yoruldular, ağır mövsüm keçirdilər. İstənilən məğlubiyyətə baxmayaraq, futbolçularıma təşəkkür edirəm.

- Sizcə, ilk oyundakı hesab rəqibə əlavə motivasiya verdi?
- Yüzdəyüz. Gözləyirdim ki, bu oyunda daha hazırlıqlı olacaqlar.

- Bəs 5:1 futbolçularınızda rahatlıq yaratdı?
- Olur, rahatlıq olur. Futbolçularım nə qədər köklənsə də, rahatlıq var idi. İnsandılar, elə də olur, belə də olur.

- Montielin zədələnməsi oyununuza təsir etdi?
- Gözlənilməz dəyişiklik oldu. Fərqli planlarımız var idi. Son dəqiqələrdə standart vəziyyətdən buraxılan qol azarkeşlər üçün gözlənilən andı.

- “Sabah” rəsmən çempion oldu.
- Təbrik edirəm. İstənilən komandaya uğurlar arzulayıram. Qısa müddətdə “Sabah”la üç oyunumuz oldu. Fərqli mövsüm izlədik. Azarkeş baxımından da. Nə qədər nəticə dəyişsə, futbol kütləsi çoxalır.

- İkinci olmamaq təhlükəniz də var. Bu durum sizi narahat edir?
- Narahat edəcək. Yaxşı hazırlıqlı “Turan Tovuz” var. Özünəməxsus oyunları var. Sonadək mübarizə aparacağıq. Futbolçularıma arxayınam ki, son oyunlarfa maksimum güc qoya biləcəyik.

- Çempion olmamağınızın əsas səbəbi nə idi?
- Səbəb çoxdu. Çempionata tam hazırlaşmadıq. ÇL bizi çox yordu. Bu da çempionatdakı motivasiyaya təsir etdi. Qarşımızda da yaxşı “Sabah” var idi. Bütün fikrini çempionata yönəldən komanda idi. Həmişə çempion olası deyilik ki. Güclü olduğun halda belə çempion ola bilmirsən. Futbolçularda hansı çatışmazlıq olduqlarını bilirəm. Titul üçün böyük işlər görən rəqiblərimiz var.

- Yeni transferlər olacaq?
- Danışıqlar gedir. Çoxdu. İşin 60-70 faizini transferlərə yönəltmişik. Transfer etməyə çalışırıq. 4-5-6… Nə qədər alınsa. Son anda belə hansısa transfer alınmır.

- Göndərməyini düşünüb, fikrinizdən daşındığınız futbolçu var?
- Göndərmək haqda düşünmürəm. Ala biləcəyimiz hazırda futbolçu yoxdu. Markoya istirahət vermişdik. Özünə gəldi. Bəziləri haqda göndərmək istədiyimi təxmini bildirə bilərəm. Gedənlər də olacaq.

- Elvin Cəfərquliyev qayıdacaq?
- Necə var, elədi. Gələn mövsümün hazırlığına başlamamışıq.

- Görüşmək istədiyi deyilir sizlə…
- Yox, olmayıb.

MÜZƏFFƏR QULUZADƏ