"Football-plus.az" xəbər verir ki, “Böyük dəbilqə” turnirlərinin beşqat çempionu Mariya Şarapova “Pretty Tought” podkastının qonağı olub.

Rusiyalı sabiq tennisçi karyerasını bitirəndən sonra bu idman növünə münasibəti haqda da danışıb.

- Mariya, indi tennis oynayırsanmı?
- Yox (gülür).

- Sonuncu dəfə nə vaxt oynamısan?
- Bir neçə ay əvvəl.

- Niyə oynamırsan, səbəb nədi?
- Bu idman növünü sevirəm, müntəzəm baxıram. Sadəcə, tennisə ayırmaq üçün daha çox vaxtımın olmasını istəyərdim. Həyatda həmişə belə hiss olur ki, vaxtilə çox yaxşı olduğun bir idman növündə indi istədiklərini edə bilmirsən. Ya bədənin əvvəlki kimi sözünə baxmır, ya da şüuraltı anlayırsan ki, daha əvvəlki qədər yaxşı deyilsən. Bu həyatda baş qatmalı çoxlu başqa məşğuliyyətlər varsa, niyə tennis oynayım?! Hə, çoxlu gözəl xatirələrim var...

- Artıq bədən başqalaşıb?
- Bəli, məhz belədi. Sürətim artıq fərqlidi, topa əvvəlki kimi reaksiya verə bilmirəm.