“Böyük dəbilqə” turnirlərinin beşqat çempionu, dünyanın sabiq bir nömrəli raketkası Mariya Şarapova Beynəlxalq Tennis Şöhrəti salonuna düşməyə namizədlər siyahısına salınıb.

"Football-plus.az" xəbər verir ki, onunla yanaşı, kanadalı Daniel Nestor və amerikalılar – Bob və Mayk Brayanlar da Şöhrət salonuna düşməyə iddialıdı. Jurnalistlər, tarixçilər və Şöhrət salonunun üzvləri səsvermə hüququna malikdi.

Namizədlərin hər biri ekspert qrupunda yer alanların ümumi səsinin ən azı 75 faizini toplamalıdı. Şöhrət salonuna salınmaqla bağlı təntənəli mərasim gələn il avqustun 21-23-ü aralığında Nyuportda keçiriləcək.

37 yaşlı Şarapova Rusiyanın ən titullu tennisçisidi. O, karyerası boyunca 36-sı fərdi yarışlarda olmaqla 39 WTA titulu qazanıb. Mariya 2020-ci ilin fevralında karyerasını bitirdiyini elan edib.