Nadal karyerasını bitirəndən sonra tennis oynamayıb
“Böyük dəbilqə” turnirlərinin 22 qat qalibi Rafael Nadal bildirib ki, karyerasını bitirdiyi andan bir dəfə də tennis oynamayıb:
“Mən hələ də əlimə rakekta götürməmişəm. Hansısa məqamda bunu edəcəm. Amma o vaxtdan bəri yalnız evdə oğlumla yüngülvari oynamışam. Sadəcə, idmandan kənarda həyat qurmağa çalışıram. Artıq bir çox başqa işlərim var. Ancaq mənə bunda sonra nə ilə məşğul olacağımı müəyyənləşdirmək üçün bir qədər vaxt lazımdı”.
38 yaşlı ispaniyalı tennisçi karyerasını ötən ilin noyabrında bitirib. Onun sonuncu peşəkar turniri Devis kuboku olub. Nadal tennisdən ayrılandan sonra qolf turnirlərində iştirak edib. Balear adalarında keçirilən yarışda 76 iştirakçı arasında 8-ci yeri tutub.
