Səudiyyə Ərəbistanı milli komandasının yeni baş məşqçisi müəyyənləşib.

"Football-plus.az" xəbər verir ki, bu vəzifəyə Georgios Donis təyin olunub. Yerli futbol federasiyasının məlumatına görə, 56 yaşlı yunan mütəxəssislə müddəti 2027-ci ilin iyuluna qədər nəzərdə tutulan müqavilə imzalanıb.

Yeni iş yerində istefaya göndərilən fransalı Erve Renarı əvəzləyən Donis karyerası ərzində ölkəsində AEK, PAOK və “Panatinaikos” kimi aparıcı klubları çalışdırıb. O, həmçinin Səudiyyə Ərəbistanında “Əl-Hilal”, “Əl-Vəhda”, “Əl-Fateh” və “Əl-Xəlic” komandalarında da işləyib.

Səudiyyə Ərəbistanı yığması bu yay keçiriləcək dünya çempionatında H qrupunda İspaniya, Kabo Verde və Uruqvay komandaları ilə mübarizə aparacaq.