DÇ-2026 üçün Türkiyənin yeni mahnısı bu müğənniyə həvalə olundu
Türkiyə yığmasının 24 ildən sonra dünya çempionatına vəsiqə qazanması ölkədə böyük coşqu ilə qarşılanıb.
"Football-plus.az" xəbər verir ki, DÇ-2002-də Tarkan tərəfindən səsləndirilən və ölkənin dörd bir tərəfində böyük populyarlıq qazanan ''Bir oluruz yolunda'' mahnısı yenidən populyarlaşıb.
Bu arada qarşıdan gələn turnir üçün yeni mahnının kim tərəfindən ərsəyə gətiriləcəyi də indidən müzakirələrə səbəb olub. DÇ-2026 üçün də türklər ''Bir oluruz yolunda'' qədər effektli bir mahnı gözləyirlər. Bir çoxları yenidən Tarkana müraciət edilməsinin tərəfdarıdı. Amma fərqli sənətçilər də gündəmə gəlir. Önə çıxan isimlərdən biri də Sinan Akçıldı.
Tanınmış musiqiçi öz səhifəsindəki son paylaşımında yığma komanda üçün yeni bir layihəyə başlamaq üzrə olduğuna işarə vurub. Türkiyə Futbol Federasiyasının prezidenti İbrahim Hacıosmanoğlunu Akçıla zəng vurduğu məlum olub.
Akçıl paylaşımında bunları yazıb:
''Gələn həftə federasiyanın binasına yollanacam. Mövzu ağ-qırmızıdı''.
Onun bu sözlərindən belə anlamaq olar ki, DÇ-2026 üçün belə desək, Türkiyənin yeni marşını hazırlamaq məhz Akçıla həvalə olunacaq. Hələlik federasiyadan bununla bağlı açıqlama gəlməyib.
Digər xəbərlər
