UEFA “Srvena Zvezda”nı Avropa Liqası oyununda nümayiş etdirilən bannerə görə cərimələyib.

"Football-plus.az" xəbər verir ki, Belqrad klubu Avropa Liqasının 1/8 finalına vəsiqə uğrunda pley-off mərhələsində “Lill”lə keçirilən cavab matçında 0:2 hesabı ilə uduzub və iki oyunun nəticəsinə əsasən (1:2) turnirlə vidalaşıb. Cavab oyunundan əvvəl azarkeşlər stadionda Müqəddəs Simeon Mirotoçivinin təsviri və “Qoy imanımız sizi qələbəyə aparsın” şüarı olan böyük mozaika hazırlamışdılar.

UEFA bu görüntünü idman tədbiri üçün uyğun hesab etməyib. Nəticədə Serbiya klubu ümumilikdə 95,5 min avro məbləğində cərimələnib. Bu məbləğin 40 min avrosu birbaşa həmin bannerə görə tətbiq olunub.