''Liverpul'' ilə oyunda qolu iki yerdən qırılan Viktor Osimhenlə bağlı iki xəbər var.

İlk xəbər onun nəhayət, əməliyyat olunması haqdadı. Klubdan verilən rəsmi açıqlamada 27 yaşlı forvardın əməliyyat olunduğu bildirilib. Maraqlıdı ki, əməliyyatın harda baş tutması haqda məlumat yoxdu. İkinci xəbər isə Osimhenin Türkiyədən bir klub satın almaq istəməsi barədədi.

Bu sürpriz xəbər dünən Afrika mətbuatında, daha dəqiq desək ''Afrik foot'' saytında yayıldı. Orda qeyd olundu ki, Osimhenin gələcəkdə hədəfi klassik bir klub rəhbəri olmaq deyil. Guya o bu addımı futbolda Nigeriya ilə Türkiyə arasında körpü rolunu oynamaq məqsədilə atır. Bu layihənin ilk addımı kimi Nigeriyada xüsusi bir nəhəng futbol akademiyası qurulacaq. Bunun sayəsində istedadlı uşaqlar gənc yaşda kəşf ediləcək. Sonra isə onların arasında önə çıxan yeniyetmələr Türkiyəyə gələrək Avropa karyeralarında ilk addımlarını məhz ''İstanbulspor''da atacaqlar. Yəni İstanbul təmsilçisi bir növ gənc nigeriyalı oyunçular üçün Avropaya körpü rolunu oynayacaq.

Məsələnin maddi və digər detalları barədə məlumat yoxdu. Ancaq klub prezidenti Faik Sarıalioğlu verdiyi qısa açıqlamada bu sürpriz iddianı təkzib edib: