Məlum olduğu kimi Nigeriya Afrika Millətlər Kubokunda Mozambiki 4:0 məğlub edərək 1/4 finala vəsiqə qazandı.

"Football-plus.az" xəbər verir ki, Nigeriya yoluna inamla davam etsə də, komanda daxilində ab-hava yaxşı deyil.

Viktor Osimhenin dubl etməsinə rəğmən matçın gedişində bir neçə dəfə əlverişli mövqedə olmasına rəğmən ona topu atmayan komanda yoldaşlarına çılğın şəkildə etiraz etməsi gündəm olmuşdu. ''Qalatasaray''ın üzvünün xüsusilə hesab 3:0 olarkən Ademola Lukman ilə yaşadığı münaqişə diqqət çəkmişdi. Düzdü, onlar əlbəyaxa olmadılar. Araya ''Beşiktaş''lı Uilfrid Ndidi girərək onların hər ikisini sakitləşdirmişdi.

Bu yaşananlar Nigeriya mətbuatında və sosial şəbəkələrdə böyük müzakirələrə səbəb olub. Osimhenin tək Lukmana yox, Bruno Onyemaeçi və Akor Adamsa sərt şəkildə etiraz etdiyi görüntülərin videoları paylaşılıb. Baş məşqçi Erik Şell oyunsonrası mətbuat konfransında məsələni ört-basdır etməyə çalışmış və ''meydanda olanlar elə meydanda da qalmalıdı'' açıqlamasını vermişdi.

Bu arada Nigeriya mətbuatında yeni sürpriz iddialara ortaya atılıb. Həmin iddialara görə Osimhen Mozambiklə matçın ardından paltardəyişmə otağından ən tez çıxan futbolçu olub. Daha sonra komandanın avtobusuna minərək heç kimlə danışmayıb. Onun yanında da yolun sonuna qədər heç bir komanda yoldaşı əyləşməyib. Hətta deyilənə görə bu olay 26 yaşlı futbolçunu o qədər qəzəbləndirib ki, o, məşqçilər korpusunu və federasiya rəsmilərini ''mənim bu komanda ilə artıq işim yoxdu, mən Türkiyəyə qayıdıram'' deyərək təhdid edib. Federasiya rəsmiləri Osimheni sakitləşdirməyə çalışıblar. Ancaq çox keçmədən Nigeriya Futbol Federasiyası bu iddiaları təkzib edib.

Yığmanın administratoru və baş meneceri Dayo Enebi Açor bunları deyib: