Cənubi Amerikanın ən nüfuzlu klub turnirinin təsnifat mərhələsi sona çatdı.

"Football-plus.az" xəbər verir ki, bu mərhələnin qalibləri “Barselona”, “Sportinq Kristal”, “Deportes Tolima” və “İndependyente” oldular.

Libertadores Kubokunun (LK) seçmə oyunlarından qrup turnirinə Kolumbiyanın iki, Ekvador və Perunun hərəyə bir komandası vəsiqə qazandı. Qeyd edək ki, təsnifat mərhələsində regionun ən güclü liqaları sayılan Braziliya iki, Argentina bir itki verdi.

“Arxentinos Xuniors” (Argentina) hələ 2-ci təsnifat mərhələsində “Barselona”ya iki oyunun nəticəsinə əsasən (1:0, 0:2) məğlub olmuşdu. Braziliyanın itkiləri isə həddindən artıq oldu. “Bayya” 2-ci seçmə mərhələdə “O’Higgins”ə uduzmuşdu (0:1, 2:2). Bu mərhələdə “Botafoqo” iki oyunun ümumi nəticəsinə əsasən “Nasyonal Potosi”dən 2:1 hesabıyla üstün olmuşdu. Lakin Rio de Janeyro klubu sonuncu mərhələdə “Barselona”ya məhz evdəki məğlubiyyətlə turnirlə erkən vidalaşdı.

Beləliklə, LK-nın 2026-cı il mövsümünün qrup mərhələsinin bütün iştirakçıları məlum oldu. Bu mərhələnin ilk turuna aprelin 7-də start veriləcək.

3-cü mərhələ, cavab oyunları
Botafoqo RJ (Braziliya) - Barselona (Ekvador) 0:1 (ilk oyun - 1:1)
Selis, 8.
Sportinq Kristal (Peru) - Karabobo (Venesuela) 1:2, p. – 3:2 (1:0)
Kastro, 50 – Kastilyo, 4; 29.
Deportes Tolima (Kolumbiya) - O’Higgins (Çili) 2:0 (0:1)
X.Ernandes, 38. X.Torres, 87.
İndependyente (Kolumbiya) - Xuventud (Uruqvay) 2:1 (1:1)
A.Palasios, 14. Fıdrişevski, 84 – Barrandequy, 25.