Cənubi Amerikanın ən nüfuzlu klub turnirinin təsnifat mərhələsi başa çatdı.

"Football-plus.az" xəbər verir ki, bu mərhələnin qalibləri “Palestino”, “Botafoqo” (Rio de Janeyro), “Kolo Kolo” və “Nasyonal” oldu.

Libertadores Kubokunun (LK) seçmə oyunlarından qrup turnirinə Çilinin iki, Braziliya və Uruqvayın hərəyə bir komandası vəsiqə qazandı. Qeyd edək ki, təsnifat mərhələsində regionun ən güclü liqaları sayılan Braziliya və Argentina hərəyə bir itki verdi. “Qodoy Krus” (Argentina) hələ 2-ci təsnifat mərhələsində “Kolo Kolo”ya iki oyunun nəticəsinə əsasən (0:1, 0:0) məğlub olmuşdu. Braziliyanın itkisi isə qaçılmaz idi. Belə ki, sonuncu seçmə mərhələdə bu ölkənin təmsilçiləri bir-birinə rəqib olmuşdular. “Botafoqo” iki oyunun ümumi nəticəsiə əsasən “Braqantino”dan 3:2 hesabıyla üstün oldu. Beləliklə, LK-nın 2024-cü il mövsümünün qrup mərhələsinin bütün iştirakçıları məlum oldu. Bu mərhələnin ilk turuna aprelin 2-də start veriləcəyini qeyd edir və qrupların tərkibini nəzərinizə çatdırırıq.

3-cü mərhələ, cavab oyunları
Palestino (Çili) - Nasyonal Asunsyon (Paraqvay) 1:3, p. – 3:1 (ilk oyun - 2:0)
K.Suares, 84 – Duarte, 44. Qaona, 48. Alfaro, 67.
Braqantino (Braziliya) - Botafoqo RJ (Braziliya) 1:1 (1:2)
Talisson, 86 - Junior Santos, 76.
Kolo Kolo (Çili) - Sportivo Trinidense (Paraqvay) 2:1 (1:1)
Xil, 4. K.Palasios, 31 – Flores, 33.
Nasyonal (Uruqvay) - Olveys Redi (Boliviya) 2:1, p. – 5:4 (0:1)
Losano, 7. Antoni, 90+3 - D.Rodriges, 45+3.
Qrupların tərkibi
A qrupu: Fluminense (Braziliya), Serro Portenyo (Paraqvay), Alyansa Lima (Peru), Kolo Kolo (Çili).
B qrupu: San Paulu (Braziliya), Barselona (Ekvador), Talyeres de Kordoba (Argentina), Kobresal (Çili).
C qrupu: Qremio (Braziliya), Estudiantes (Argentina), Stronqest (Boliviya), Uaçipato (Çili).
D qrupu: LDU Kito (Ekvador), Xunior (Kolumbiya), Universitario (Peru), Botafoqo RJ (Braziliya).
E qrupu: Flamenqo (Braziliya), Bolivar (Boliviya), Milyonarios (Kolumbiya), Palestino (Çili).
F qrupu: Palmeyras (Braziliya), İndependyente del Valye (Ekvador), San Lorenso (Argentina), Liverpul (Uruqvay).
G qrupu: Penyarol (Uruqvay), Atletiko Mineyro (Braziliya), Rosario Sentral (Argentina), Karakas (Venesuela).
H qrupu: River Pleyt (Argentina), Libertad (Paraqvay), Deportivo Taçira (Venesuela), Nasyonal (Uruqvay).