Cənubi Amerikanın ən nüfuzlu klub turnirinin təsnifat mərhələsi sona çatdı. Bu mərhələnin qalibləri “İndependyente Medelyin”, “Atletiko Mineyro”, “Serro Portenyo” və “Sportinq Kristal” oldu.

"Football-plus.az" xəbər verir ki, seçmə oyunlardan qrup turnirinə Kolumbiya, Braziliya, Paraqvay və Perunun hərəyə bir komandası vəsiqə qazandı. 3-cü təsnifat mərhələsində regionun ən güclü liqaları sayılan Braziliya və Argentina hərəyə bir itki verdi. “Fortaleza” Libertadores Kubokunda (LK) böyük təcrübəyə malik olan “Serro Portenyo”ya hər iki oyunda uduzdu, “Atletiko Urakan” isə “Sportinq Kristal”la cavab oyununun əsas vaxtının son saniyələrində buraxdığı qolla qrup mərhələsinə adlaya bilmədi. Beləliklə, LK-nın 2023-cü il mövsümünün qrup mərhələsinin bütün iştirakçıları məlum oldu. Bu mərhələnin ilk turuna dünən start verildiyini qeyd edir və qrupların tərkibini nəzərinizə çatdırırıq.

3-cü təsnifat mərhələsi, cavab oyunları
İndependyente Medelyin (Kolumbiya) - Maqalyanes (Çili) 2:0 (ilk oyun - 1:1)
Pons, 15; 39.
Atletiko Mineyro (Braziliya) - Milyonarios (Kolumbiya) 3:1 (1:1)
Paulinyo, 49; 81. Halk, 88 – Uribe, 90+3.
Serro Portenyo (Paraqvay) - Fortaleza (Braziliya) 2:1 (1:0)
Karriso, 38. Akino, 62 – Gilyerme, 90+2.
Sportinq Kristal (Peru) - Atletiko Urakan (Argentina) 1:0 (0:0)
Avila, 90+7.

Qrupların tərkibi
A qrupu: Aukas (Ekvador), Flamenqo (Braziliya), Nyublense (Çili), Rasinq (Argentina).
B qrupu: İndependyente Medelyin (Kolumbiya), İnternasyonal (Braziliya), Metropolitano (Venesuela), Nasyonal (Uruqvay).
C qrupu: Bolivar (Boliviya), Palmeyras (Braziliya), Serro Portenyo (Paraqvay), Barselona (Ekvador).
D qrupu: Stronqest (Boliviya), River Pleyt (Argentina), Sportinq Kristal (Peru), Fluminense (Braziliya).
E qrupu: Liverpul (Uruqvay), Korintians (Braziliya), Arxentinos Xuniors (Argentina), İndependyente del Valye (Ekvador).
F qrupu: Monaqas (Venesuela), Boka Xuniors (Argentina), Deportivo Pereyra (Kolumbiya), Kolo Kolo (Çili).
G qrupu: Alyansa Lima (Peru), Atletiko Paranaense, Atletiko Mineyro (hər ikisi Braziliya), Libertad (Paraqvay).
H qrupu: Patronato (Argentina), Atletiko Nasyonal (Kolumbiya), Melqar (Peru), Olimpiya (Paraqvay).