Avqustun 2-4-ü aralığında Libertadores Kubokunun (LK) pley-offuna start verildi. Cənubi Amerikanın ən nüfuzlu klub turnirində 1/8 finalın ilk oyunları keçirildi.

"Football-plus.az" xəbər verir ki, bu mərhələdə Braziliyanın 6, Argentinanın 4, Kolumbiyanın 2, Uruqvay, Boliviya, Paraqvay və Ekvadorun hərəyə 1 klubu çıxış edir. Argentina (Patronato) və Braziliyanın (Korintians) qrup turnirində hərəyə bir itki verməklə 1/8 finala adladığını da qeyd edək. İlk pley-off oyunları gərgin keçməsi ilə yadda qaldı. LK-nın son qalibi “Flamenqo” evdə “Olimpiya”nı minimal hesabla məğlub etdi. Ümumiyyətlə, Braziliya klublarının ilk matçlardakı göstəricisi belə oldu: 2 qələbə, 1 heç-heçə, 3 məğlubiyyət. Cənubi Amerikanın ən böyük ölkəsinin iki təmsilçisinin qarşılaşması daha çox maraq doğururdu. “Palmeyras” səfərdə “Atletiko Mineyro”nu Rafael Veyqanın yeganə qolu ilə məğlub etdi. Argentinanın 4 komandası ilk matçlardan 1 qələbə, 2 heç-heçə və 1 məğlubiyyətlə ayrıldı. Yalnız “Bolivar” (Boliviya) və “Atletiko Nasyonal”ın (Kolumbiya) rəqibləri üzərində iki topluq üstünlük əldə etdiklərini də qeyd edək.

1/8 final, ilk oyunlar
Arxentinos Xuniors (Argentina) - Fluminense (Braziliya) 1:1
Avalos, 14 – Samuel Şavyer, 87.
Bolivar (Boliviya) - Atletiko Paranaense (Braziliya) 3:1
R.Fernandes, 13; 76. Bexerano, 27 – Erik, 9.
River Pleyt (Argentina) - İnternasyonal (Braziliya) 2:1
Solari, 65; 79 – Valensiya, 45+1.
Nasyonal (Uruqvay) - Boka Xuniors (Argentina) 0:0
Deportivo Pereyra (Kolumbiya) - İndependyente del Valye (Ekvador) 1:0
Santakrus, 58.
Atletiko Mineyro (Braziliya) - Palmeyras (Braziliya) 0:1
Rafael Veyqa, 29.
Atletiko Nasyonal (Kolumbiya) - Rasinq (Argentina) 4:2
Sapata, 34. Cefferson Dukue, 61. Kantera, 83; 90+5 – Pyovi, 87-p.; 90+4-p.
Flamenqo (Braziliya) - Olimpiya (Paraqvay) 1:0
Bruno Enrike, 49.
Dünən start verilən cavab oyunlarına bu gün yekun vurulacaq.
Bombardirlər: Paulinyo (Atletiko Mineyro) – 7, Kano (Fluminense), Pabon (Atletiko Nasyonal) – 6, Artur (Palmeyras), Pons (İndependyente Medelyin) - 5.