Yürgen Kloppun məşqçilik fəaliyyətini bərpa edə biləcəyi haqda növbəti iddia ortaya çıxıb.

"Football-plus.az" xəbər verir ki, o, yayda “Real”ın baş məşqçisi təyin oluna bilər.

Böyük Britaniya mətbuatının məlumatına görə, alman mütəxəssis mümkün təklif alacağı halda əməkdaşlıq üçün bir sıra şərtlərini artıq müəyyənləşdirib. Klopp komandaya rəhbərlik etməyə razılıq verməsi üçün heyətin gücləndirilməsini tələb edəcək. O, 2 mərkəz müdafiəçisi və 2 yarımmüdafiəçinin transfer olunmasını istəyir.

Bundan əlavə, braziliyalı hücumçu Endrikin yenidən komandaya qaytarılmasında israr edir.

Xəbərdə qeyd olunur ki, təcrübəli çalışdırıcı hazırkı heyətdə bəzi dəyişikliklərə də ehtiyac duyur. Belə ki, o, klubun Cud Bellinqem və Eduardo Kamavinqa ilə yollarını ayırması variantını nəzərdən keçirməyə müsbət yanaşır.

Kloppun sonuncu iş yeri olan “Liverpul”u 2015-24-cü illərdə çalışdırdığını xatırladaq.