Yürgen Klopp ilə bağlı maraqlı xəbər yayılıb.

Tanınmış alman mütəxəssis məşqçilik fəaliyyətini yaxında bərpa edə bilər.

“TBR Football”ın məlumatına görə, Kloppun “Real”ı çalışdırmaq şansı var. O, Madrid klubunda hazırkı baş məşqçi Karlo Ançelottinin ən layiqli xələfi hesab olunur.

Doğrudu, təcrübəli mütəxəssis tezliklə baş məşqçi kimi işə başlamağa tələsmir. Lakin “Real” rəhbərliyindən təklif alacağı halda onun fikrini dəyişə biləcəyi ehtimalı var.

2015-24-cü illərdə “Liverpul”a başçılıq edən Klopp hazırda “Red Bull” şirkətində futbol bölməsinin rəhbəridi.