Bazar günü Antalya səfərindən 2:2-lik bərabərliklə dönməklə çempionluq mübarizəsində qızıla bərabər xallar itirən ''Fənərbaxça''da bu azmış kimi bəzi futbolçular da sanki qara zolağa düşüblər.

"Football-plus.az" xəbər verir ki, bazar ertəsi ''Fənər''in birdən-birə 3 futbolçusunu məyus edən olaylar yaşanıb.

Günorta saatlarında Nelson Semedonun həyat yoldaşı Marlen Alvarenqanın qəzaya düşdüyü məlum olub. Bu xanımın içində olduğu mikroavtobus Marmara yaxınlığındakı magistral yolunda sürücünün idarəetməni itirməsi nəticəsində aşıb. Tanınmış futbolçunun həyat yoldaşı yüngül xəsarətlər alıb. Həm sürücü, həm də Marlen Alvarenqa hadisə yerinə gələn təcili tibbi yardım maşını ilə xəstəxanaya yerləşdiriliblər. Onların vəziyyəti yaxşıdı.

Qeyd edək ki, Semedo özü də ''Antalyaspor''la matçda şanssız şəkildə zədə alaraq hələ ilk yarıda əvəzlənmişdi. Onun 4 həftəliyə sıradan çıxdığı bildirilir. Bundan başqa ''Fənər''in digər üzvü Fredin nənəsi dünyasını dəyişib. Təcrübəli braziliyalı futbolçu bununla bağlı paylaşım edib. O, paylaşımında ''hüzur içinde yat, Cersi nənə, səni hər zaman gülərüz insan kimi xatırlayacağıq. Babamız səni açıq qollarla qarşılasın'' sözlərini qeyd edib.

"Fənər''in digər braziliyalısı Ederson isə itini itirib. Tanınmış qapıçı iti ilə olan şəklini paylaşaraq ''kiçik qızım Sindi, hüzur içində yat'' ifadəsini yazıb.