Bu gün 1-ci divizionun 14-cü turunda "Mingəçevir" "Qaradağ Lökbatan"la qarşılaşıb.

Football-plus.az xəbər verir ki, qarşılaşma qonaqların 2:0 hesablı qələbəsi ilə başa çatıb.

Görüşdən sonra Bakıya geri dönən hakimlər briqadası - Rövşən Rəcəbov, Elmin Süleymanov, Rəsul Babayev, Asif Abdullayev və qarşılaşmanın hakim-inspektoru Ceyhun Haşımov qəzaya düşüblər. Bu məlumatı "Football-plus.az"a açıqlamasında "Mingəçevir"in İdarə Heyətinin sədri Rövşən Əhmədov deyib:

"Hadisə Mingəçevir - Aran yolunun 6-cı kilometrində baş verib. Günah qarşıdan gələn avtomobildə olub. Yüksək sürət səbəbindən sürücü idarə etməni itirib. Toqquşma nəticəsində o həyatını itirib. Hazırda Yevlaxdayam. Hakimlər briqadasından ölən kimsə yoxdu. Sadəcə, Elmin Süleymanov başından zədə alıb. Ceyhun Haşımovun isə çanağı sınıb. Onu Yevlaxdan Təcili Tibbi Yardım maşını ilə Bakıya göndərdik".

İLKİN SULTANLI