“Formula-1” üzrə dünya çempionatının yeddiqat qalibi Mihael Şumaherin sağlamlıq durumu ona baxıcıların köməyi ilə əlil arabasında təmiz havada gəzintiyə çıxmağa imkan verir. Bundan başqa, 57 yaşlı almaniyalı ətrafdakılara reaksiya verir və idman translyasiyalarına baxa bilir.

"Football-plus.az" xəbər verir ki, bu iddianı Qırmızı Baronun indiki həyatı ilə bağlı vaxtaşırı insaydlar yayan Britaniyanın məşhur “Daily Mail” tabloidi irəli sürüb. Bu informasiyadan belə nəticə çıxır ki, avtoidmanın əfsanəsinin dağ-xizəkçilik kurortundakı qorxunc qəzadan sonra 12 ildə vegetativ durumda olmasıyla bağlı şayiələt hədsiz şişirdilib. Yaxınları Şumini kənar gözlərdən uzaq tutur. Çünki onun indiki görünüşü Mihaelin idman karyerası boyunca formalaşdırdığı obrazla ziddiyyət təşkil edir. Ancaq heç də hər şey deyilən qədər pis deyil – böyük pilot Mayorkadakı villanın əsiri deyil və bəzən ailəsinin başqa bir iqamətgahının yerləşdiyi İsveçrənin Qlan şəhərində də olur.

Təmiz havada gəzinti
Şumaherin yaxın ətrafına daxil olan adamlar prinsipial şəkildə onun sağlıq durumu haqda informasiya vermir, bununla da medianı və azarkeşləri qıcıqlandırırlar. Sabiq pilotun xanımı Korinnanın bu məqamla bağlı izahı:

Nəticədə publika tez-tez qorxu janrında təqdim olunan şayiələrə meyillənməyə məcburdu. Ancaq bu dəfə “Daily Mail”in əməkdaşı Conatan Makevoy başqa yolla getməyə qərar verib və yeddiqat dünya çempionunun fanatlarını ümidləndirib. O, konkret almaniyalı idmançının “qapalı adam sondromu”nu təkzib edib, guya iflic olan adam başverənləri dərk edir, ancaq ətraf aləmlə yalnız gözlərinin hərəkəti ilə ünsiyyət qurur. Britaniyalı tabloid yazır:
Əfsanəvi pilota günboyu tibbi yardım göstərilir. Bunun üçün 15 adam ayrılıb. Belə xidmətin dəyəri həftədə onminlərlə funt təşkil edir. Dəyəri 30 milyon funt olan Mayorkadakı villanı ayıq-sayıq mühafizəçilər qoruyur, onlar yoldan keçənlərə buranın sahibinin kim olduğunu deməkdən imtina edirlər.

Sirli imza
Avtoyarışlarda iştirakı 2012-ci ildə dayandıran Mihaelin həyatı 2013-cü ildə baş verən məlum və qorxunc qəzadan sonra radikal şəkildə dəyişdi. Başından aldığı ağır zədə 250 gün davam edən medikamentoz koma ona gətirib çıxardı ki, ulduz idmançı həyati vacib funksiyaların bir hissəsini itirdi və o vaxtdan bəri daimi baxıma ehtiyac duyur. Şumaher 2019-cu ildə Paris klinikasında ultramüasir terapiya aldı. Ancaq Fransadakı müalicənin hansısa effekt verib-vermədiyi bilinmir.

İstisna olunmur ki, məhz həmin tibbi müdaxilə Mihaelin yataqdan qalxmasına şərait yaradıb. Korinnanın Mihaelin müalicə təcrübəsini oxşar vəziyyətdə olan xəstələrin yaxınlarıyla bölüşmək istəməməsi də pilotun xanımının daha bir tənqid dalğasıyla üzləşməsinə səbəb olur.

Ailənin Mihaellə bağlı informasıyanın açıqlanmasına əsəbi yanaşması həm də bununla bağlıdı ki, Korinna iki dəfə şantaj obyekti olub. Bəzi adamlar onu Şumaherin sağlamlıq durumuna aydınlıq gətirən fotoları, videoları və tibbi sənədləri yayacağı ilə təhdid ediblər. Almaniya məhkəməsi ötən il İsveçrədəki villanın mühafizəçisini və onunla əlbir olan iki şəxsi – türkiyəli mühacirləri dələduzluğa görə müxtəlif müddətə məhkum edib.

Bundan başqa, Qırmızı Baronun Qlandakı evində baş verən zorlama qalmaqalı ilə bağlı informasiya da yayılıb. Bu cinayətdə Şumaherin oğlu Mikin yaxın dostu – avstraliyalı pilot Coi Mouson ittiham olunur. Zərərçəkən isə Mihaelin baxıcısıdı. Üç il ərzində susan qadın işdən azad olunandan sonra polisə ərizə ilə müraciət edib.

Ötən ilin aprelində məlum oldu ki, Mihael də Ceki Stüartın təşkil etdiyi "Demensiyaya qarşı yarış" xeyriyyə tədbiri çərçivəsində yarış dəbilqəsinə imza atıb. Həmin dəbilqənin üzərində almanla yanaşı, “Formula-1”in bütün həyatda olan qaliblərinin də imzası var idi. Şumaherin imzasının necə əldə edildiyi dəqiq məlum deyil - köhnə avtoqraflarının surəti çıxarılıb, yoxsa iflic olmuş pilot, hər halda, əlini dəbilqəyə toxundura bilib...

"Mihael bizimlədi. O başqalaşıb, amma burdadı və bu, bizə güc verir. O, hələ də hər gün bizə nə qədər güclü olduğunu göstərir", - pilotun həyat yoldaşı 2021-ci ildə “Netflix”də yayımlanan sənədli filmdə belə deyib.