Ötən həftəsonu əfsanəvi pilot Mihael Şumaherin qızı Cina, nəhayət, boyfrendi Yen Betke ilə evləndi.

"Football-plus.az" xəbər verir ki, nigah mərasimi Şumaherlərin villasının yerləşdiyi Mayorka adasındakı Yasmin villasında – dar ailə çevrəsində baş tutdu.

Mərasim konfidensiallığın qorunması ilə bağlı ciddi tədbirlərlə müşayiət olundu – qonaqlar girişdə mobil telefonlarını təhvil verməli və sosial şəbəkədə heç nə paylaşmamalıydı. Bu isə publikanın Mihael Şumaherin özəl həyatına qeyri-sağlam marağı ilə bağlıdı. Xatırladaq ki, 2013-cü ilin sonunda dağ-xizəkçilik kurortunda başından sərt zərbə alan Şumaher həmin vaxtdan bəri publika önünə çıxmır. “Formula-1” yarışlarının yeddiqat çempionu nigah mərasimində iştirak etməsə də, sabiq mühafizəçinin xəyanətindən sonra pilotun xanımı Korinna ayıq-sayıqlığı bir qədər də artırıb.

27 yaşlı Cina Mihael Şumaherlə xanımının, sabiq model Korinna Betçin böyük övladıdı. Cütlüyün hazırda 24 yaşı olan Mik adlı oğlu da var. Mik avtopilot karyerası qurmağa çalışır, “Formula-1” yarışlarında iki mövsüm keçirib, ancaq hələ ki atasının uğurlarından uzaqdı. Atçılıq idmanı ilə məşğul olan Cina 2017-ci ildə reyninq (vestern üslubunda yeriş) üzrə dünya çempionu adını qazanıb. İndi o, özünün paltar brendinin inkişaf etdirməyə çalışır. Cina gələcək həyat yoldaşı ilə də 2017-də atçılıq idmanı sayəsində tanış olub. Ancaq Ben Yetke publikaya açıq həyat tərzi sürməyi xoşlamır, onun haqqında əvvəllər konkurla məşğul olmasından başqa heç bir ciddi informasiya yoxdu.

Nə olur-olsun, Şumaherin qızı ilə Betke artıq illərdi bir yerdədi. Onlar ötən il nişanlanmışdı. Sevgililər üzük əvəzinə brasletdən yararlanıb: Cina böyük brilyantı olan qızıl qolbağıdan, Yen isə onun dəri oxşarından. Yeni evlənənlər toydan birgə foto da paylaşıb. Şəklin altındakı yazıda deyilir:

Bir il idi mərasimə hazırlıq gedirdi, çoxları Mihaelin də məclisə qatılacağını gözləyirdi. Ancaq bayram əfsanəvi pilotsuz keçdi. 10 ildən artıqdi iflic olan Şumaher ətrafdakılarla yalnız gözləri ilə ünsiyyət saxlayır.

Fransa kurortunda xizək sürərkən yıxılan və başı daşa dəyən Qırmızı Baron bir müddət komanda qalandan sonra ailəsi onu İsveçrədəki villaya köçürdü. Yaxınları həmin vaxtdan bəri əfsanəvi pilotun sağlı durumu ilə bağlı heç bir bilgi vermir. Şayiələrə görə, almaniyalı əfsanə özünə qulluq etməyə qadir deyil, onun həyatda qalmas hər il ailəyə milyon avroya başa gəlir. Hazırda Almaniyada Şumaherin ailəsini onun sağlıq durumu ilə bağlı informasiyanı açıqlayacağı ilə hədələyən üç kişinin məhkəməsi gedir. İttiham olunanlardan biri villanın sabiq mühafizəçisidi. Bəlkə də ailənin Ceneverə gölü regionundan Mayorkaya köçməsi məhz konfidensiallıqla bağlı problem üzündəndi. Başqa versiyalar da var – həkimlərin ailəyə iqlimi dəyişməyi məsləhət görməsi və artan maliyyə problemləri. Korinna artıq ailənin daşınmaz əmlakının bir hissəsini satıb, həminin pilotun şəxsi əşyalarından bəzilərini hərraca çıxarıb. Hələ ki Şumaherlər ailəsinin müflis olmasına çox qalır. Ailə kapitalı Cinaya həyat yoldaşı ilə birgə rahatca İsveçrədə yaşamaq imkanı verir. Qız valideynləri ilə də əlaqə saxlayır, sosial şəbəkədə bəxtsiz atasıyla bağlı paylaşımlar edir.

İspaniya mediasının yaydığı məlumata görə, nigah mərasimi də təvazökarlığı ilə seçilməyib. Tam formatda, təmtəraqlı mərasim olub – toy ərəfəsində şənlik, nigahın təntənəli şəkildə qeydiyyata alınması, sonrakı məclis. Mihaelin qardaşı Ralf da dəvətlilər arasında olub. Xatırladaq ki, o, bir neçə ay əvvəl qeyri-ənənəvi seksual orientasiyanın daşıyıcısı olduğunu etiraf etməklə ailədə gərginlik yaratmışdı.

Cina dəfələrlə deyib ki, atlarla iş ona atasının sağlıq durumu ilə bağlı kədərli düşüncələrdən uzaqlaşmağa yardım edir. O, İsveçrənin Jivran şəhərindəki fermada çox vaxt keçirir. Həmin fermanı Mihael Korinnaya 2005-ci ildə - toylarının onilliyində bağışlayıb. Ana və qızı bəzən orda atçılıqla bağlı tədbirlər keçirir.

Korinna vaxtilə İsveçrədə və Amerikada atların yetişdirilməsi və öyrədilməsi ilə məşğul olub, bir neçə tövləsi və 40 başlıq sürüsü var idi. Korinna xəstə həyat yoldaşı ətrafındakı indiki durumu belə izah edir: