“Formula-1” üzrə dünya çempionatının yeddiqat qalibi Mihael Şumaherin ailəsində çalışan Hayke Puşmannın dediyinə görə, pilotun sabiq cangüdəni Markus Friçe ailəyə hücum edəcəyi ilə bağlı hədə-qorxu gəlib.

Əfsanəvi pilot 2013-cü ildə dağ xizəkçiliyi zamanı yıxılaraq başından ağır zədə alıb. Şumaherin sabiq cangüdəni və əlaltıları pilotun ailəsindən 15 milyon avro tələb edib. Onlar ailəni darknetdə 1500 təsvir, 200 video və idmançının durumu ilə bağlı tibbi qeydləri yayacaqları ilə təhdid ediblər. Puşmannın dediyinə görə, həmin pulu ödəmək ailənin imkanları xaricində olub. Friçe isə tələb etdiyi pulu almayacağı təqdirdə ailəyə hücum edəcəyini bildirirmiş.

Şumaher ailəsi Markusu 2021-ci ildə işdən qovub.