Məlum olduğu kimi Türkiyə yığmasını gələn ilin martında mühüm oyunlar gözləyir.

"Football-plus.az" xəbər verir ki, qardaş ölkənin komandası martda DÇ-2026-nın pley-offu çərçivəsində evdə Rumıniya ilə qarşılaşacaq. Bu səddi aşacağı təqdirdə isə həlledici matçda səfərdə ya Slovakiya, ya da Kosovo ilə oynayacaq.

Bu arada Türkiyənin Rumıniyanı qəbul edəcəyi stadion rəsmən bəlli olub. Bu qarşılaşmanın ''Qalatasaray''ın stadionu olan ''Rams Park''a veriləcəyi ilə bağlı iddialar doğrulmayıb. Türkiyə Futbol Federasiyasının rəsmi açıqlamasında martın 26-na təsadüf edəcək oyunun ''Beşiktaş''a məxsus ''Beşiktaş Park''da keçiriləcəyi bildirilib.

Qeyd edək ki, bu arena 2016-cı ildən istifadəyə verilib və Türkiyə indiyə qədər burda 3 görüş keçirib. ''Ay-ulduzlular'' ilk matçda 2019-un oktyabrında - AÇ-2020-nin seçmə mərhələsində Albaniyanı minimal hesabla yeniblər. Amma növbəti iki oyunda bərabərlik qeydə alınıb. 2020-nin noyabrında Xorvatiya ilə yoxlama matçı 3:3, 2021-in sentyabrında mundialın seçmə mərhələsində Monteneqro ilə oyun 2:2 hesabı ilə yekunlaşıb.

Yəni Türkiyə indiyə qədər bu stadionda uduzmayıb.