“Mirça Luçeskunu gözəl tanıyıram. Onun həm italyan, həm də türk mentallığından əla anlayışı var. Daha öncə Türkiyədə işləyib. Slovakiyanın başında da italiyalı məşqçi dayanıb. İstər Slovakiya, istərsə də Kosovo yığcam oynaya bilən komandalardı. Biz hər oyuna ayrı-ayrı hazırlaşmaq prinsipini davam etdirəcəyik. Finala yüksəlsək, səfərdə oynayacağıq. Amma bu nöqtədən sonra bu durum artıq prinsipial əhəmiyyət daşımayacaq. DÇ-yə qatılmaq üçün hər kəs maksimum performans ortaya qoymalıdı. Artıq rəqibləri incələməyə başlayacağıq”.

“Türkiyə yaxşı oyunçulara sahibdi və güclü komandaları var. Başqa nə deyə bilərəm? Türkiyə futbolunu yaxından tanıyıram. Bizim üçün problem deyil. Onlara qarşı necə oynayacağımızı bilirik. Onsuz da 1-ci səbətdəki komandaların hamısı eyni səviyyədə idi. Pley-off üçün başqa seçim imkanımız yox idi. Məncə, hər kəs üçün şanslar bərabərdi. Türkiyənin futbolçularını gözəl tanıyıram. Onların bir çoxu mənim dönəmimdə yığmada debüt edib. Məsələn, İspaniya ilə keçirdikləri son matçda heyətdə olan 6 futbolçuya ilk dəfə mən yığmada şans vermişəm. Türkiyə güclü dönəmdən keçir. Hələ vaxtımız var. Çalışmalıyıq ki, qarşıdakı 4 ayda səviyyəmizi bir xeyli qaldıraq. Futbol kağız üzərində yox, meydanda oynanılır. Şansımızın neçə faiz olduğunu bilmirəm. Təbii ki, asan olmayacaq. Türkiyədə bizi çox çılğın atmosfer gözləyəcək. İki komandanın oyunçularını müqayisə etmək doğru deyil. Çünki ayrı-ayrı səviyyədədilər. Ümid edirəm ki, həmin gün yüksək səviyyəli oyun sərgiləyəcəyik”.