“Mən heç vaxt hakimlik haqda danışmağı xoşlamamışam. Qısa müddət futbolçu kimi oynamışam, zədə səbəbindən karyeramı davam etdirə bilməmişəm. “Bakı”nın yetirməsiyəm, “Qəbələ”də oynamışam, yığmanın U-15-dən U-21-ə qədər bütün aşağı yaş qruplarında olmuşam, hətta bir dəfə əsas yığmaya da dəvət almışam. Murad Səlimovun idarəçiliyinə gəlincə... Hakimsən, oyunu idarə et də... Kapitanımıza deyir ki, "ə, bura gəl”. Qeyri-etik danışır. Hətta başqa ağır ifadə də səsləndirib. Onu demək düz çıxmır. 4-cü hakimə etiraz edirəm, o da deyir ki, haqlısız. Referi qayıdıb 4-cü hakimə deyir ki, “başını burax”. Bu nə danışıqdı? Bunlara kim icazə verir belə danışmağa? Kim təlim keçir? Hakimlik onsuz da dünyanın hər yerində problemli mövzudu. Bizdə lap böyük problemdi. İnşallah, düzələr. AFFA-ya bununla bağlı şikayət etmişik. Nə qərar verəcəklər, bu onların işidi. İlk dəfədi hansısa hakimdən şikayət yazırıq”.

“Vaqif Şirinbəyovla Hüseyn Əliyev zədəli idi. İbrahim Aslanlı isə C kateqoriyasında kursu var idi deyə, gələ bilməmişdi”.

“Yeni komandayıq. Müstəqillik dönəmində Şirvanın ilk peşəkar komandasıyıq. İlk mövsümdə Region Liqasında finala çıxdıq. İndi 2-ci liqadayıq. İlk “altılıq”da olmaq da bizim üçün uğurdu. Klub qarşısına ilk “altılıq” hədəfi qoyub. Nə qədər yüksək pilləyə çıxa bilsək, əladı. Amma hədəfimiz “altılıq”da yer almaqdı”.