"Əvvəlcə oyunumuz haqqında danışım. Sevindirici haldı ki, artıq oyun planında artım var. Qarşılıqlı əlaqə, xətlərarası rabitə yaxşılaşmağa doğru gedir. Amma görüləcək iş çoxdu. Əsas odu ki, düzgün istiqamətdəyik. Hakimliyə və qırmızı vərəqələrə gəlincə, 90 dəqiqə ərzində çox ağır qarşılaşma getdi. Referilərin idarəçiliyinə deyəcək nəsə yoxdu. İdarəçilikdən razı qaldım, amma qırmızı vərəqələrlə bağlı razı deyiləm. Futbolçumuz Rüstəm Nuruyevə haqsız yerə qırmızı verildi. Adını da qoydular ki, oyunçumuz qeyri-etik ifadə işlədib və ya hərəkət edib. Halbuki epizoda dəfələrlə baxdıq, hakimlərə də göstərdik, elə bir hal yoxdu. Köməkçim Nəsib Əliyev də məhz futbolçumuza haqsızlığa görə hakimə yaxınlaşıb dedi ki, Rüstəm heç bir qeyri-etik hərəkət etməyib. “Hər şey göz önündədi. Bu haqsız qərarınıza görə şikayət edəcəyik” deyəndən sonra hakim ona da “qırmızı” göstərdi. Referiyə etirazı başa düşdüm. Amma buna görə birbaşa qırmızı vermirlər. Köməkçim qeyri-etik ifadə də işlətmədi. Amma baş hakim birbaşa qırmızı vərəqə göstərdi. Bir daha deyirəm: hər iki epizodda hakimin verdiyi qırmızı vərəqələri haqsız sayıram. Bu barədə şikayətimizi də bildirəcəyik".