Qardaş Türkiyə yığmasını bu ay iki mühüm oyun gözləyir.

''Football-plus.az'' xəbər verir ki, ''ay-ulduzlular'' Millətlər Liqasının pley-offunda Macarıstan ilə qarşılaşacaq.

İlk oyun martın 20-də İstanbulda, cavab oyunu martın 23-də Budapeştdə keçiriləcək. Bu arada Türkiyə yığmasının sentyabrda start götürəcək DÇ-2026-nın seçmə mərhələsinə hazırlıq çərçivəsində ABŞ-da toplanış keçəcəyi məlum olub.

Bu barədə xəbər Türkiyə yığmasının rəsmi ''iks'' (tvitter) səhifəsində paylaşılıb. Həmin xəbərdə Vinçentso Montellanın komandasının iyunda ABŞ-da iki yoxlama oyunu keçirəcəyi qeyd olunub. Bir rəqib artıq bəllidi. Türkiyə iyunun 10-da Şimali Karolinada yerləşən ''Kenan'' stadionunda Meksika ilə qarşılaşacaq.

Xatırladaq ki, Meksika DÇ-2026-nın ev sahiblərindən biridi. Özü də bu komandalar tarixdə ilk dəfə üz-üzə gələcək. Daha bir maraqlı məqam odu ki, ''Kenan'' stadionunda ilk dəfə futbol matçı oynanılacaq. 50500 azarkeş tutumuna malik olan bu arenada indiyə qədər yalnız Amerika futbolu üzrə oyunlar keçirilirdi. Türkiyənin ABŞ toplanışında keçirəcəyi digər oyundakı rəqibin adı isə daha sonra açıqlanacaq.

ƏLİ