“Real”ın və Fransa yığmasının hücumçusu Kilian Mbappenin karyerası ərzindəki 400-cü qolu vurduğunu xəbər vermişdik.


"Football-plus.az" xəbər verir ki, 26 yaşlı futbolçu 400-ə DÇ-2026-nın seçmə turnirinin Ukrayna ilə keçirilən ev oyununda (4:0) dubl etməklə çatdı.
Təbii ki, “üçrənglilər”in dünya çempionatına vəsiqə qazanacağına heç kim şübhə etmirdi. Və Didye Deşamın komanda heç bir xüsusi əmək sərf etmədən, sona bir tur qalmış bu hüququ qazandı. Fransızlar cümə axşamı, noyabrın 13-də Ukraynanı darmadağın etdi. Mbappe 2-ci hissənin əvvəlində Maykl Olisenin qazandığı penaltini qola çevirdi. Bir qədər sonra “Bavariya”nın vingeri pressinqin ardından gerçəkləşən əks-hücumu qolla bitirməklə komandasının üstünlüyünü möhkəmlətdi. Ardından Kilian rəqibin cərimə meydançasında yaranan qarışıqlıqda hamıdan cəld tərpəndi. Yekun hesabı isə Üqo Ekitikenin qolu müəyyənləşdirdi.

Bəki, Ukrayna ilə oyun Mbappenin karyerasına parlaq səhifə kimi qazıldı – axı 399-cu və 400-cü qolunu vurdu. Kilian bu həddə Lionel Messi və Kriştiano Ronaldo ilə müqasiyədə daha tez çatdı. Ümumiyyətlə, Peleni çıxsaq, tarixdə hamıdan tez çatdı. Fransalı ulduz 400-cü qolu 26 yaş 328 günlüyündə vurdu. Messu bu həddə 27 yaş 95, Ronaldo isə 28 yaş 335 günlüyündə çatıb.
Ancaq məhz bunun üçün lazım olan oyunların sayına baxsaq, Leo hamıdan öndədi. Argentinalı 400 qol həddinə 525-ci oyunda çatıb. Mbappe isə ondan 10 oyun çox keçirib. Ronaldo 400-cü qolu 653-cü oyunda vurub.

Fransalı ulduz son uğuruna yetərincə təvazökar yanaşıb: “Belə rəqəmlə kimisə təəccübləndirə bilməzsən. Futbol tarixində iz qoymaq istəyirəm, odu ki, hələ ən azı 400 qol da vurmalıyam. 950-dən çox qol vuran birini (Ronaldo – red.) tanıyırıq, o biri (Messi – red.) də 900-ə yaxınlaşır. 400 məhsuldarlığı insanları heyran edən, təsəvvürlərini dəyişən futbolçular sırasında olmaq üçün kifayət edən rəqəm deyil”.
Didye Deşam isə ən azı Kilian qədər sevinir: “Onunla bağlı hər şey yaxşıdı. Yenidən həm fiziki, həm də mənəvi cəhətdən formasının zirvəsindədi. Mbappe kapitan sarğısını alandan bəri işini daha yda yaxşı yerinə yetirir. O, təkcə əla oyunçu deyil, həm də qalan bütün oyunçuları birləşdirməyi bacarır. Bu, onun liderlik keyfiyyətlərindən biridi. Kilian dinlədi və öyrəndi. O heyətdə olacağı müddətdə Fransa yığması həmişə güclü olacaq. Kilian vəzifələrin öhdəsindən gəlməyimizi asanlaşdır. O, bu gün hər şeyi əla yerinə yetirdi – oyunçu kimi də, kapitan kimi də”.