“Real” ilə PSJ-nin hücumçusu Kilian Mbappenin təmsilçiləri arasındakı danışıqlar prinsipal razılıq əldə olunmasıyla nəticələnib.

Bu haqda xəbəri dünən “Sports Zone” yayıb. Adı çəkilən qaynağa inansaq, Mbappe yekun sənədə imza atmamış PSJ-nin dəlillərini bir daha dinləmək istəyir.

Madrid klubu fransalı ulduza indiyə qədər Luka Modriçin daşıdığı 10 nömrəli futbolkanı təklif edib. Bir neçə fün əvvəl PSJ-nin Mbappe klubu tərk etməyə qərar verərsə, “Bavariya”nın vingeri Leroy Saneni rənglərinə bağlayacağı haqda xəbər yayılmışdı. Daha bir maraqlı məqam odu ki, madridlilərin ulduzlarından Vinisius Junior Mbappe komandaya qoşulacağı təqdirdə ayrılacağıyla bağlı xəbərdarlqı edib. Kilian 2017-ci ildən PSJ-nin fotmasını geyir, müqaviləsinin müddəti bu ilin iyununda bitəcək. O, cari mövsümdə bütün turnirlərdə keçirdiyi 26 oyunda 28 qol vurub və 6 məhsuldar ötürmə verib.