Kilian Mbappenin ardından onun kiçik qardaşı Etan Mbappe də PSJ-ni tərk etmək qərarına gəlib.

“Football-plus.az” xəbər verir ki, xatırladaq ki, bu ayın əvvəllərində fransalı superulduz Kilian Mbappenin Paris nəhəngini tərk edərək ''Real'' ilə beşillik anlaşma əldə etdiyi məlum olmuşdu. Onun 17 yaşlı qardaşı Etan da öz səhifəsində vida paylaşımı edib. O, 2017-ci ildən parislilərin sistemində idi. Əsas komandada 2023-cü ildə debüt etmişdi. Geridə qoyduğumuz mövsüm Etan Mbappe PSJ-də cəmi 5 rəsmi oyunda iştirak etmək fürsəti qazandı. Bir ara şaiyə yayılmışdı ki, guya Kilian ''Real'' rəhbərliyinin qarşısına onun qardaşını da transfer etmək şərti qoyub. Amma göründüyü kimi bu şaiyələr doğru deyilmiş. Fransa mətbuatının yazdığına inansaq qardaşının kölgəsindən qurtulmaq istəyən Etan Mbappeyə ''Lill'' ciddi maraq göstərir.

ƏLİ