Misli premyer-liqasının 12-ci turunda “Karvan-Yevlax” evdə “Kəpəz”ə məğlub oldu - 1:2. “Football-plus.az” xəbər verir ki, oyunsonrası mətbuat konfransında yevlaxlıların baş məşqçisi Azər Həşimov jurnalistlərin suallarını cavablayıb.
- Azarkeşlərin qarşısında qələbə qazanmaq istəyirdik. Qarşıda 21 tur var. Heç nə bitməyib.
- Azarkeşlər sizi istefaya səsləyirdi.
- Bu haqda rəhbərlik qərar verir. Futboldu, normal haldı.
- Vüsal Məsimovun 27-ci dəqiqədə meydandan çıxmasını istədiz, çıxmadı. 25 yaşlı futbolçuya söz keçirə bilmirsizsə, Arazı, Vadimi necə idarə edirsiz?
- “Araz-Naxçıvan”la oyunda zədəsi var idi. Demişdi ki, məni əvəzləyərsiz. Sonra dedi ki, hər şey qaydasındadı.
- “Karvan-Yevlax” Yevlaxa qayıtmamış “Kəpəz”in Yevlaxda oynayacağı dəqiqləşdi. Sizin əsas rəqibinizdi. Bu nə dərəcədə doğrudu?
- İndi bilirəm. Heç xəbərim yox idi.
- Elitada qalmaq uğrunda mübarizə aparan məşqçilər arasında zəif bənd kimdi?
- Məşqçi işində problem qaçılmazdı. Həyat davam edir.
MÜZƏFFƏR QULUZADƏ