"Adım baş məşqçi kimi tarixə düşdü" - Azər Həşimov

"Karvan-Yevlax" Misli premyer-liqasının 2-ci tur matçında "Kəpəz"ə qalib gəldi - 1:3.

"Football-plus.az" xəbər verir ki, qonaqların baş məşqçisi Azər Həşimov oyunsonrası mətbuat konfransında jurnalistlərin suallarını cavabladı.

- Bu qarşılaşmada hər iki komanda istəyirdi ki, qalib gəlib, xallarını artırsın. Komandamız 3 xal qazandı. Buna görə onlara təşəkkürümü bildirirəm. Sona qədər mübarizə apardılar və qalib gəldik. Rəqibə gələcək oyunlarda uğurlar arzu edirəm

- “Karvan-Yevlax” qayıdışından sonra ilk qələbəsini sizinlə qazandı. Növbəti oyunlarda bu sizə nə dərəcədə motivasiya olacaq?
- “Karvan-Yevlax” tarixi bir komandadı. Məndə məşqçi kimi sevinirəm. Adım baş məşqçi kimi tarixə düşdü. Daha da inkişaf etməyə çalışacağıq.

- Pedro Mataeşun durumu necədi? Kamran İbrahimov nə dərəcədə etimadı doğrultdu?
- Bütün qapçılar bizim üçün əsasdı. Mikrozədəsi var. Sabah müayinədən sonra dəqiq bilənəcək. Yoxlama oyunlarında da Kamrana şans vermişdik. Pedro Mateuş zədələndikdən sonra Kamrana dedim ki, sənə inanıram.

ƏSƏD SEYİDOV