Tezliklə “Marakana”nın sahibi dəyişəcək. Nəhəng stadion satılacaq.

"Football-plus.az" xəbər verir ki, Rio de Janeyro ştatının qanunverici orqanı idman qurğusunu saxlamaq üçün tələb olunan xərclərdən qurtulmaq və regionun 1,89 milyard avro olan borcunun bir hissəsini ödəmək üçün belə qərar verib.

“Marakana” iki klubun – “Flamenqo” ilə “Fluminense”nin, həmçinin Braziliya yığmasının ev oyunlarını keçirdiyi arenadı. Burda 1950-ci ildə baş tutan oyunda Braziliyanı 2:1 hesabıyla məğlub edən Uruqvay yığması tarixində ikinci dəfə dünya çempionu olub. Hazırda 78838 yerlik olan stadionda Almaniyanın Argentinaya 1:0 hesabıyla qalib gəldiyi DÇ-2014-ün və 2016-cı ildə keçirilən, Braziliyanın qalibi olduğu Yay Olimpiya Oyunlarının final matçları da təşkil edilib.