Romarionun yeni vəzifəsi məlum olub. Braziliya yığmasının sabiq hücumçusu yerli klublardan birinə rəhbərlik edəcək.

"Football-plus.az" xəbər verir ki, o, klub prezidenti statusunu qazanıb. Romario “Amerika” klubuna rəhbərlik etməyə başlayıb. Məlumatı klubun rəsmi saytı yayıb. “Amerika" Braziliyanın köklü klublarından sayılır. Komanda hazırda Rio de Janeyro ştatının yüksək liqasında - Karioka çempionatında iştirak edir.
Xatırladaq ki, “Barselona”dakı çıxışı ilə də tanınan Romario 1994-cü ildə Braziliya yığması ilə dünya çempionu olub.