Avqustun 14-16-sı aralığında Libertadores Kubokunun (LK) pley-offuna start verildi.

Cənubi Amerikanın ən nüfuzlu klub turnirində 1/8 finalın ilk oyunları keçirildi. Bu mərhələdə Braziliyanın 7, Argentinanın 3, Uruqvay, Boliviyanın 2, Kolumbiya və Çilinin hərəyə 1 klubu çıxış edir. Maraqlıdı ki, 1/8 finalda, belə desək, iki Braziliya və bir Argentina derbisi baş tutdu. İlk pley-off oyunları gərgin keçməsi ilə yadda qaldı. LK-nın son qalibi “Fluminense” səfərdə Braziliyanın digər təmsilçisi “Qremio”ya 1:2 hesabıyla məğlub oldu. Regionun ən böyük ölkəsinın digər iki klubunun ilk oyununda da ev sahibi qalib gəldi: “Botafoqo” Rio de Janeyroda “Palmeyras”ı 2:1 hesabıyla üstələdi. Argentina təmsilçilərinin ilk oyununda isə meydana qonaq statusu ilə çıxan komanda qələbə qazandı. “River Pleyt” son dəqiqələrdə vurduğu yeganə qolla “Talyeres de Kordoba”dan üstün oldu. Hesabın açılmadığı yeganə oyun Uruqvayda ba tutan “Nasyonal” – “San Paulu” matçı olarkən, bu ölkənin digər nəhəngi “Penyarol” öz meydanında “Stronqest”in qapısından 4 cavabsız top keçirməklə 1/4 finalın qapısını açdı.

1/8 final, ilk oyunlar
Qremio (Braziliya) – Fluminense (Braziliya) 2:1
Reynaldo, 74-p.; 77 – Lima, 58.

San Lorenso (Argentina) - Atletiko Mineyro (Braziliya) 1:1
Kuelyo, 17 – Paulinyo, 58.

Kolo Kolo (Çili) – Xunior (Kolumbiya) 1:0
Pisarro, 76.

Penyarol (Uruqvay) – Stronqest (Boliviya) 4:0
L.Fernandes, 9. Silvera, 16. Baes, 36. Batista, 72.

Talyeres de Kordoba (Argentina) - River Pleyt (Argentina) 0:1
P.Dias, 86.

Botafoqo (Rio de Janeyro, Braziliya) - Palmeyras (Braziliya) 2:1
Luis Enrike, 22. İqor Jezus, 39 – Maurisio, 33.

Nasyonal (Uruqvay) - San Paulu (Braziliya) 0:0
Flamenqo (Braziliya) - Bolivar (Boliviya) 2:0
Luis Arauxo, 29. Leo Pereyra, 89.