Avqustun 21-23-ü aralığında Libertadores Kubokunda (LK) 1/8 finalın cavab oyunları keçirildi.

Nəticədə Cənubi Amerikanın ən nüfuzlu klub turnirində ən güclü 8 komanda müəyyənləşdi.

Bu mərhələdə Braziliyanın 7, Argentinanın 3, Uruqvay və Boliviyanın 2, Kolumbiya və Çilinin hərəyə 1 klubu çıxış edirdi. Maraqlıdı ki, 1/8 finalda, belə desək, iki Braziliya və bir Argentina derbisi baş tutdu. LK-nın son qalibi “Fluminense” ilk oyunda səfərdə Braziliyanın digər təmsilçisi “Qremio”ya 1:2 hesabıyla məğlub olmuşdu. Evdə eyni hesabla qalib gələn “Flu” mərhələni oyundan sonra labüd olan penalti seriyası ilə adladı. Regionun ən böyük ölkəsinın digər iki klubunun ilk oyununda “Botafoqo” Rio de Janeyroda 2:1 hesabıyla üstələdiyi “Palmeyras”la cavab görüşündə heç-heçə (2:2) etməklə növbəti mərhələyə çıxdı. Braziliyanın digər klubları “Atletiko Mineyro”, “San Paulu” və “Flamenqo” da azarkeşlərini sevindirdi. Argentina təmsilçilərinin ilk oyununda “Talyeres de Kordoba”dan üstün olan “River Pleyt” evdə də qələbə qazandı.

Beləliklə, növbəti mərhələdə Braziliyanın 5, Argentina, Çili və Uruqvayın hərəyə 1 komandası olacaq. İlk oyunları sentyabrın 18-də keçiriləcək 1/4 finalda cütlər belə formalaşıb: Fluminense - Atletiko Mineyro, Kolo Kolo - River Pleyt, Botafoqo RJ - San Paulu, Flamenqo - Penyarol.

1/8 final, cavab oyunları
Fluminense (Braziliya) - Qremio (Braziliya) 2:1, p. – 4:2 (ilk oyun – 1:2)
Tyaqo Silva, 14. Aryas, 28-p. – Qustavo Nunes, 76.

Atletiko Mineyro (Braziliya) - San Lorenso (Argentina) 1:0 (1:1)
Battalya, 65.

Xunior (Kolumbiya) - Kolo Kolo (Çili) 1:2 (0:1)
Bakka, 45+1 – Sepeda, 43. Falkon, 74.

Stronqest (Boliviya) - Penyarol (Uruqvay) 1:0 (0:4)
Triverio, 44-p.

River Pleyt (Argentina) - Talyeres de Kordoba (Argentina) 2:1 (1:0)
Borxa, 34. Simon, 50 - Cirotti, 69.

Palmeyras (Braziliya) - Botafoqo (Rio de Janeyro, Braziliya) 2:2 (1:2)
X.Lopes, 86. Roni, 90 - İqor Jezus, 56. Savarino, 64.

San Paulu (Braziliya) - Nasyonal (Uruqvay) 2:0 (0:0)
Bobadilya, 31. Kalyeri, 47.

Bolivar (Boliviya) - Flamenqo (Braziliya) 1:0 (0:2)
Bruno Savio, 54.