İqor Tudorun qorxduğu başına gəlib.

"Football-plus.az" xəbər verir ki, o, artıq “Yuventus”un baş məşqçisi deyil.

İtaliya klubu bazar ertəsi İqor Tudoru vəzifəsindən azad edib. A seriyasında “Latsio”ya məğlubiyyət (0:1) xorvat mütəxəssisin gözlənilən istefasını qaçılmaz edib. Oktyabrın 27-də səhər onu işdən çıxarılması barədə məlumatlandıran klub rəhbərliyi 47 yaşlı məşqçiyə fəaliyyətinə görə minnətdarlıq edib. Rəsmi bəyanatda belə deyilir:

Tudor baş məşqçi vəzifəsinə bu ilin martında Tyaqo Mottanın istefaya göndərilməsindən sonra təyin olunmuşdu. Onda komanda A seriyasında mövsümün sonuna 9 tur qalmış 5-ci yerdə idi. “Yuventus” sabiq oyunçusunun başçılığı altında keçirdiyi 9 oyundan yalnız birində uduzdu, 5 matçda qələbə qazanıb 3 dəfə heç-heçə etməklə Çempionlar Liqasına (ÇL) sonuncu vəsiqəni verən 4-cü yeri tutdu. Rəhbərlik yayda Tudor ilə mmüddəti 2027-ci ilə qədər razılaşdırılan yeni müqavilə bağladı. Komanda Klublararası Dünya Çempionatında 1/8 finala çıxdı və bu mərhələdə “Real”a minimal hesabla məğlub oldu. Cari mövsümə çempionatda ardıcıl 3 qələbə ilə başlayan “Yuventus”un sonrakı nəticələri heç də ürəkaçan olmadı. ÇL-i də nəzərə alsaq, son 8 oyunda qələbə üzü görməyən (5 heç-heçə, 3 məğlubiyyət) komanda ardıcıl 4 matçda qol da vura bilməyib və hazırda A seriyasında 12 xalla 8-ci yeri tutur. ÇL-də isə 3 oyuna 2 xalla 36 iştirakçı arasında 25-ci yerdədi.

Belə uğursuz nəticələrin fonunda postunda qala bilməyən Tudorun səlahiyyətlərini müvəqqəti olaraq “Yuventus”un gənclərdən ibarət komandasının baş məşqçisi Massimo Brambilla yerinə yetirəcək. O, yeni vəzifədə A seriyasının “Udineze” ilə oktyabrın 29-da keçiriləcək oyununda debüt edəcək. Yerli mənbələr 4 mütəxəssisin komandaya təyinat almaq şansının olduğunu iddia edir. Onlar Luçano Spalletti, Loran Blan, Roberto Mançini və Edin Terziçdi.