“Əsas heyətlə çıxsaydılar, nə olacaqdı?” - Şahin Diniyev
Bizon Azərbaycan kubokunun 2-ci təsnifat mərhələsində 8 elita təmsilçisi mübarizə apardı. Və hamısı 1/8 finala vəsiqə qazandı. “İmişli”, “Şamaxı” və “Karvan-Yevlax” istisna olmaqla qalan komandalar isə böyükhesablı qələbə qazandı. “Şamaxı”nın rəqibi isə “Səbail” idi.
Kubokun bir məqsədi də futbolun kütləviliyi, populyarlaşdırılmasıdı. Xüsusən də bölgələrdə. Amma yüksək liqa təmsilçiləri özlərini əziyyətə salmadan, 2-ci, 3-cü heyətləri ilə növbəti mərhələyə yüksəlir.
Liqalar arasındakı bu qədər səviyyə fərqi olması normaldı? Bu sualın cavabını Şahin Diniyevdən almağa çalışdıq:
“Bu sual əslində mənə uyğun deyil. Oyunların Keçirilməsi Departamenti cavablaya bilər. Amma, yaxşı, mən də cavabsız qoymayım. Bəli, fərq var. Maliyyə, inftastruktur, futbolçuların səviyyəsi, fərdi cəhətdən, komandaların şəraiti baxımından fərq görünür. Nəinki premyer-liqa ilə 1-ci, 1-ci liqa ilə 2-ci, 2-ci liqa ilə Region Liqası arasında da fərq var. Fikir verirsizsə, premyer-liqanın 90 faiz komandaları ikinci heyətlə meydana çıxır və daha güclü olur. Bəs əsas heyətlə çıxsaydılar, nə olacardı? Klublarımız maliyyə baxımdan müstəqil deyil. Ən əsası budu. Dövlətin ayırdığı büdcədən asılıdılar. Nə qədər ki, bu asılılıq var, tendensiya da davam edəcək”.
MÜZƏFFƏR QULUZADƏ
Digər xəbərlər
