"Hesab bizi aldatmasın. 6:0 olsa da, asan qələbə deyildi. Belə oyunlar çox çətindi. Motivasiya tam başqa olur. Futbolçuları aşağı liqa komandalarına qarşı oyuna kökləmək çox çətindir Psixoloji cəhətdən özlərini yuxarıda hiss edirlər. Oyunçulara başa saldıq ki, "Şamaxı" yaxşı komandadı, yüksək səviyyəli oyunçuları var. Şadam ki, futbolçularım bunu anladı və oyuna ciddi yanaşdı. Bizim də problemlərimiz böyükdü. Əsas heyətin 7-8 futbolçusu yoxdu. Bu, kiçik komanda üçün böyük itkilərdi. Bu il bir oyunumuz qalıb. Sıx qrafikdəyik. Çalışdım ki, heç bir futbolçu oyun ritmindən düşməsin. Bərpa olunmaq üçün vaxtımız da yoxdu. Son turda da uğurlu çıxış etməyə çalışacağıq. "Sumqayıt" 18-də oynamışdı, biz bu gün oynadıq. Üç gündən sonra matç var. Çempionatın axırıdı, hər bir futbolçuda çemodan əhval-ruhiyyəsi var".

"Football-plus.az" xəbər verir ki, bu sözləri "Səbail"in baş məşqçisi Şahin Diniyev ölkə kubokunun 1/8 final mərhələsinin (2:0) "Şamaxı" ilə oyunundan sonra deyib. O, komandasının növbəti mərhələyə adlamasını dəyərləndirib.

- Sanki "Şamaxı" ilk 10 dəqiqədə gözünüzü qorxutdu...
- Tamamilə razıyam. Bu gün bizim heyətdə üç gənc futbolçu var idi. Onlar həyəcanlı idi, başa düşürəm. Sıxmaq da istəmirəm. Oyunları getmədikcə, "Şamaxı" oyunu ələ almağa çalışırdı. Amma komandamızda təcrübəlilər var. "Şamaxı" yaxşı komandadı. Hesab bizi aldatmasın, asan oyun olmadı.

- Futbolçularınızı birinci liqadan istəyənlər var. Onları icarəyə göndərməkdə maraqlısız?
- Birinci liqa ilə əvəzedici yarışında fərq var. Orada kişi futboludu, böyüklərin oyunudu. Futbolçularımız kiməsə lazım olarsa, pulsuz icarəyə verməyə hazırıq. Hətta pulunu özümüz ödəyərək belə, verə bilərik ki, oyunçular inkişaf etsin. Komandayıq. Amma kluba çevrilmək istəyiriksə, öz yetirmələrimizə diqqət etməli və onların inkişafı üçün hər şeyi etməliyik.