A seriyasında keçirilən 28-ci və 29-cu turların oyunlarından sonra liderlər qrupunda vəziyyət dəyişmədi.

"Football-plus.az" xəbər verir ki turun nəticələri “Palmeyras” ilə “Flamenqo”nun çempionluğa əsas namizədlər olduğunu bir daha göstərdi. Qızıl medallar uğrunda mübarizədə digər iddiaçı “Kruzeyro” isə artıq şərikli liderlərdən bir oyun çox keçirməklə 5 xal geri qalır.

İki tur əvvəl 25 oyuna 55 xalla şərikli lider və 1-ci yerdə olan “Palmeyras” həm də A seriyasının potensial lideri idi. Abel Ferreyranın komandası əvvəlcə 12-ci turdan təxirə salınan ev oyununda “Juventude”ni 4:1 hesabıyla məğlub etməklə əsas rəqibi “Flamenqo”nu 3 xal geridə qoydu. 28-ci turun “Braqantino” ilə ev oyununu daha böyükhesablı qələbə - 5:1 ilə başa vuran san paululular üçün növbəti matçın ciddi sınaq olacağı məlum idi. “Yaşıllar” çempionluq yarışında əsas rəqibi “Flamenqo”nun qonağı oldular. Rio de Janeyroda keçirilən oyun ev sahibləri üçün daha vacib sayılırdı. Belə ki, “qırmızı-qaralar” yalnız qələbə qazanacağı halda yenidən şərikli lider olacaqdılar. Onlar “Palmeyras”a qarşı dueldən əvvəl Braziliyanın son çempionu “Botafoqo”nu 3:0 hesabıyla məğlub etmişdilər. Mövsümün həlledici mərhələsinin əvvəlində “Marakana”da baş tutan “Palmeyras” ilə oyunu 71 mindən çox tamaşaçı izlədi. 29-cu turun mərkəzi oyunu statusuna görə ümidləri tamamilə doğrultdu. 4 qolun vurulduğu ilk hissəni izləməyə dəyərdi. 10-cu dəqiqədə Pedronun ötürməsi ilə hesabı açan De Arraskaeta bu mövsüm 15-ci qolunu vurmaqla bombardirlərin siyahısında lider olan Kayo Jorjeyə (Kruzeyro) çatdı. 14 dəqiqə sonra hesabı bərabərləşdirən Vitor Roke isə 13-cü qoluna sevindi. Lakin o və komandası hissənin son dəqiqələrində ikiqat məyusluq yaşadılar. Əvvəlcə Jorjinyo penalti ilə ev sahiblərinin 2-ci, az sonra Pedro 3-cü qolunu vurdu.

“Flamenqo” fasilədən sonra əsasən hesabı qorumaq üçün oynadı. Buna böyük ölçüdə nail olan Filipe Luisin komandası yalnız son saniyələrdə qapısından 2-ci topu buraxdı. Amma nəticə dəyişmədi: 3:2 hesabıyla qalib gələn rio de janeyrolular yenidən şərikli lider oldular. Qeyd edək ki, onlar topların fərqinə (+41) əsasən üstün olsalar da, san paululular daha çox - 19 qələbə qazandığı üçün 1-ci yeri tuturlar. 61 xala malik olan “Palmeyras” ilə “Flamenqo”nun ehtiyatda bir təxirə salınan oyununun olduğunu da qeyd edək.

Artıq bir neçə turdu 3-cü yerdə olan “Kruzeyro” son iki oyunda hesabına 4 xal yazdı. Səfərdə “Atletiko Mineyro” ilə 1:1 hesablı heç-heçəyə razılaşan Leonardo Jardimin komandası evdə “Fortaleza”ya bir qolla qalib gəldi. Belu orizontelilər bu nəticələrlə mövqeyində qaldılar.

İki tur əvvəl 4-cü yerdə olan “Botafoqo” evdə “Flamenqo”dan üç cavabsız top buraxandan sonra səfərdə “Seara”ya 2:0 hesabıyla qalib gəldi. Son çempion bu nəticələrlə 5-ci yerə düşdü.

Ona görə ki, rio de janeyroluların əsas izləyicilərindən olan “Mirassol” iki oyuna maksimum xal qazandı. Evdə “İnternasyonal”ı 3:1, “San Paulu”nu 3:0 hesabıyla məğlub edən debütant 13-cü turdan təxirə salınan oyunda “Fluminense”yə 2:1 hesabıyla qalib gələrək 4-cü yerə çıxdı.

28-ci tur
Palmeyras - Braqantino 5:1
Fuxs, 45+6. Vitor Roke, 58; 89. Anderson, 73. X.Lopes, 84 - Con Con, 38-p.

Botafoqo RJ - Flamenqo 0:3
Pedro, 40. Luis Arauxo, 70. Plata, 80.

Atletiko Mineyro - Kruzeyro 1:1
Ruan, 51 – Pereyra, 48.

Vitoriya - Bayya 2:1
Renato Kayzer, 26-p. Kaseres, 64 - Tyaqo, 41.

Mirassol – İnternasyonal 3:1
Moura, 26. Reynaldo, 45+5. Nequeba, 49 – Tyaqo Maya, 38.

Sport Resife - Seara 1:1
Karius, 87 – Pedro Raul, 83.

Santos - Korintians 3:1
Ze Rafael, 4. Barreal, 39. Rollhayzer, 55-p. - Ranyele, 58.

Fortaleza - Vasku da Qama 0:2
Rayan, 45+4. David, 82.

Qremio - San Paulu 2:0
Vinisius, 39; 56-p.

Fluminense - Juventude 1:0
Tyaqo Silva, 90+8.

29-cu tur
Flamenqo - Palmeyras 3:2
De Arraskaeta, 10. Jorjinyo, 42-p. Pedro, 45 - Vitor Roke, 24. Q.Qomes, 90+4.

Kruzeyro - Fortaleza 1:0
Kristian, 20.

Seara - Botafoqo RJ 0:2
Ramos, 39. Jeffinyo, 78.

Korintians - Atletiko Mineyro 1:0
Maykon, 49.

Mirassol - San Paulu 3:0
Alesson, 1. Reynaldo, 35-p. Karlos Eduardo, 69-p.

İnternasyonal - Sport Resife 2:0
Borre, 24. Bruno Enrike, 68.

Bayya - Qremio 4:0
Yaqo, 4. Villian Joze, 10. Duarte, 54. Nestor, 90+3.

Juventude - Braqantino 1:0
Peyşotu, 40.

Vasku da Qama - Fluminense 2:0
Rayan, 38. Nunu Moreyra, 52.

Santos - Vitoriya 0:1
Mateuzinyo, 41.

12-ci turdan təxirə salınan oyun
Palmeyras - Juventude 4:1
Rafael Veyqa, 27. Bruno Rodriges, 44. Fuxs, 49. Anderson, 56 – Sam, 76.

13-cü turdan təxirə salınan oyun
Mirassol – Fluminense 2:1
Markes, 36. Nequeba, 86 – Martinelli, 56.

14-cü turdan təxirə salınan oyun
Atletiko Mineyro - Sport Resife 3:1
Viktor Uqo, 9. Gilyerme Arana, 38. Roni, 62 – Laserda, 82-p.

1. Palmeyras 28 19 4 5 53-26 61
2. Flamenqo 28 18 7 3 56-15 61
3. Kruzeyro 29 16 8 5 42-21 56
4. Mirassol 29 14 10 5 50-30 52
5. Botafoqo RJ 29 13 7 9 39-26 46
6. Bayya 28 13 7 8 39-32 46
7. Fluminense 28 12 5 11 35-35 41
8. Vasku da Qama 29 11 6 12 46-41 39
9. San Paulu 29 10 8 11 31-33 38
10. Braqantino 29 10 6 13 34-44 36
11. Korintians 29 9 9 11 31-35 36
12. Qremio 29 9 9 11 30-37 36
13. Seara 28 9 8 11 27-27 35
14. İnternasyonal 28 9 8 11 35-41 35
15. Atletiko Mineyro 28 8 9 11 26-32 33
16. Santos 28 8 7 13 28-40 31
17. Vitoriya 29 7 10 12 27-43 31
18. Juventude 29 7 5 17 23-53 26
19. Fortaleza 28 6 6 16 26-44 24
20. Sport Resife 28 2 11 15 21-44 17

Bombardirlər: De Arraskaeta (Flamenqo), Kayo Jorje (Kruzeyro) - 15, Vitor Roke (Palmeyras) - 13, Pedro (Flamenqo), Veqetti (Vasku da Qama) - 12.