A seriyasında keçirilən 26-cı və 27-ci turların oyunlarından sonra liderlər qrupunda vəziyyət dəyişdi. İki tur “Palmeyras” üçün düşərli oldu. San Paulu klubu maksimum nəticə göstərdi, çempionluğa digər əsas iddialılar “Flamenqo” ilə “Kruzeyro” isə hər iki oyunda büdrədilər.

"Football-plus.az" xəbər verir ki, iki tur əvvəl 54 xalla lider olan “Flamenqo” ilə əsas izləyicisi “Kruzeyro” arasındakı oyunun nəticəsi böyük maraq doğururdu.

Rio de Janeyroda keçirilən matçdan əvvəl liderdən 4 xal geri qalan “Kruzeyro” çətin səfərdə bir xal qazana bildi. Vacib oyun daha çox kobud axarda getməsi ilə yadda qaldı: hakim futbolçulara 10 dəfə sarı vərəqə göstərdi, müdafiəçi Villiam 83-cü dəqiqədə ikinci xəbərdarlığa görə qonaqları meydanda azlıqda qoydu. Ev oyununu qolsuz başa vuran “Flamenqo”nun Salvadora səfəri uğursuz alındı. Yerli “Bayya” lideri büdrətmək üçü əlindən gələni etdi. Ev sahiblərinin işini Danilo asanlaşdırdı. Uzun illər Avropada oynamış 34 yaşlı məşhur müdafiəçi 13-cü dəqiqədə kobud oyuna görə qarşısında birbaşa qırmızı vərəqə gördü. Salvadorlular bundan sonra azlıqda qalan rəqibinə qarşı daha cəsarətli oyun sərgiləməklə istəklərinə çatdılar. Villian Joze fasiləyə az qalmış hesabı açdı. Filipe Luisin komandasının ikinci hissədəki işi heç də asan görünmürdü. Belə də oldu. Əsəbi komanda kimi daha çox yadda qalan rio de janeyroluların yarımmüdafiəçisi Vallase Yan da 78-ci dəqiqədə ikinci xəbərdarlığa görə meydandan qovuldu. İki qırmızı vərəqə praktiki olaraq “Flamenqo”nun məğlubiyyətini qaçılmaz etdi. Cari mövsümdə 3-cü dəfə uduzan “qırmızı-qaralar” vahid liderliyi əldən verdilər. Rio de janeyroluların ehtiyatda bir təxirə salınan oyununun olduğunu da qeyd edək.

“Flamenqo”dan səfərdə xal alan “Kruzeyro”nun öz meydanında “Sport Resife”yə qalib gələcəyi gözlənilirdi. Lakin Leonardo Jardimin komandası liqanın ən zəif iştirakçısından yalnız bir xal (1:1) almaqla azarkeşlərini məyus etdi. Belu orizontelilər 2 oyuna 2 xal almaqla 2-ci pillədən 3-ə düşdülər.
Çünki tura 3-cü pillədə başlayan “Palmeyras” iki matçda büdrəmədi. Ötən mövsümün vitse-çempionu əvvəlcə evdə “Vasku da Qama”nı 3:0 hesabıyla məğlub etdi. San Paulu derbisi isə dramatik keçdi. Eyniadlı komanda ilk hissəni 2:0 hesablı üstünlüklə başa vurdu. Amma Abel Ferreyranın komandası fasilədən sonra üç qol vurmaqla əzmkar qələbə qazandı. “Yaşıllar” maksimum nəticə ilə xalını 55-ə çatdırdılar. “Flamenqo”nun da hesabında bu qədər xal var, lakin “Palmeyras” az oyun keçirdiyi üçün 1-ci yerə yüksəldi. Ehtiyatda iki təxirə salınan oyunu olan Ferreyranın komandasının A seriyasının potensial lideri olduğunu da vurğulayaq.

İki tur əvvəl 4-cü yerdə olan “Mirassol” iki oyuna bir xal qazandı və mövqeyini itirdi. Ona görə ki, debütantın əsas izləyicisi “Botafoqo” hesabına 3 xal yazdı. Braziliyanın son çempionu topların daha yaxşı fərqinə əsasən 4-cü yerə çıxdı. “Bayya”nın da hesabında 43 xal var.

26-cı tur
Flamenqo - Kruzeyro 0:0
Palmeyras - Vasku da Qama 3:0
X.Lopes, 6; 18. Vitor Roke, 24.
Mirassol - Braqantino 1:1
Reynaldo, 75 - Ramires, 26.
Botafoqo RJ - Bayya 2:1
S.Rodriges, 27. Ceffinyo, 46 - Nestor, 55.
Fortaleza - San Paulu 0:2
Tapya, 11. Lusiano, 85.
Sport Resife - Fluminense 2:2
Lukas Lima, 73. Luan Kandido, 90+7 – Akosta, 64. Kennedi, 83-p.
Atletiko Mineyro – Juventude 0:0
İnternasyonal - Korintians 1:1
Karbonero, 90+12-p. – Neqao, 10.
Santos - Qremio 1:1
L.Dias, 89 – Edenilson, 56.
Vitoriya - Seara 1:0
Ze Markos, 10.

27-ci tur
Bayya - Flamenqo 1:0
Villian Joze, 45.
Kruzeyro - Sport Resife 1:1
Qabriel Barboza, 59 – Laserda, 41.
San Paulu - Palmeyras 2:3
Lusiano, 15. Tapya, 34 - Vitor Roke, 70. X.Lopes, 74. Sosa, 89.
Korintians - Mirassol 3:0
Maykon, 18. Yuri Alberto, 72. Andre Luis, 90+5.
İnternasyonal - Botafoqo RJ 2:0
Alan Patrik, 9. Vitinyo, 50.
Fluminense - Atletiko Mineyro 3:0
Şavyer, 15. Serna, 58. Keno, 90+3.
Braqantino – Qremio 1:0
Con Con, 90+16-p.
Vasku da Qama - Vitoriya 4:3
Moreyra, 6. Rayan, 52; 68. Sousa, 90+7 – Aytor, 26. Lukas Halter, 34. Kaseres, 72.
Juventude – Fortaleza 1:2
Bilu, 6 – Mankuso, 72. Bareyro, 85.
Seara - Santos 3:0
Munyi, 10. Pedro Enrike, 60. Sobral, 90+4.

1. Palmeyras 25 17 4 4 42-21 55
2. Flamenqo 26 16 7 3 50-13 55
3. Kruzeyro 27 15 7 5 40-20 52
4. Botafoqo RJ 27 12 7 8 37-23 43
5. Bayya 26 12 7 7 34-30 43
6. Mirassol 26 11 10 5 42-28 43
7. Fluminense 25 11 5 9 33-31 38
8. San Paulu 27 10 8 9 31-28 38
9. Braqantino 27 10 6 11 33-38 36
10. Seara 26 9 7 10 26-24 34
11. Vasku da Qama 27 9 6 12 42-41 33
12. Korintians 27 8 9 10 29-32 33
13. Qremio 27 8 9 10 28-33 33
14. İnternasyonal 26 8 8 10 32-38 32
15. Atletiko Mineyro 25 7 8 10 22-29 29
16. Santos 26 7 7 12 25-38 28
17. Vitoriya 27 5 10 12 24-42 25
18. Fortaleza 26 6 6 14 26-41 24
19. Juventude 26 6 5 15 21-48 23
20. Sport Resife 25 2 10 13 19-38 16

Bombardirlər: Kayo Jorje (Kruzeyro) - 15, De Arraskaeta (Flamenqo) - 14, Veqetti (Vasku da Qama) - 12, Pedro (Flamenqo), Vitor Roke (Palmeyras) - 10.