“Football-plus.az”ın məlumatına görə, İspaniya nəşri oyunun əhəmiyyətiylə bağlı yazıda Bilbao təmsilçisinin baş məşqçisi Ernesto Valverdenin bu matçda qalib gəlməsinin vacibliyindən və “Qarabağ”ın güclü tərəflərindən bəhs edib:
“Arsenal” və Dortmund “Borussiya”sına uduzduğundan xalsız qalan “Atletik” “Qarabağ”ı məğlub etməyə məcburdu. Əks halda komandanın liqa mərhələsini ilk “24-lük”də bitirmək ehtimalı böyük ölçüdə azalacaq. Bu üzdən “Qarabağ”la oyun hədəfa çatmaq baxımından dəstək rolunu oynamalıdı. O başqa məsələ ki, “Atletik” yeni mövsümdə özgüvən və qərarlılıq prinsiplərindən uzaqdı. “Qarabağ” isə artıq sürpriz komanda statusundan çıxıb. Çempionlar Liqasının yeni mövsümündə cəmi bir dəfə uduzan Azərbaycan təmsilçisi futbolun yeniliklərinə uyğunlaşmaqda çətinlik çəkmir. “Qarabağ”ın ən güclü tərəfi isə hücumlar zamanı cəsur futbolçuları sayəsində sürətlə irəliləyə şığıması və rəqibin kimliyindən asılı olmayaraq qol vura bilməsidi”.
KƏNAN BAHADIR
