Misli premyer-liqasının 8-ci turunda “Qəbələ” səfərdə “İmişli”yə də qalib gələ bilmədi - 2:2.

“Football-plus.az” qonaqların baş məşqçisi Kaxaber Sxadadzenin oyunsonrası mətbuat konfransından hesabatı təqdim edir.

- Yaxşı mübarizə apardıq. Təəssüf ki, iki xal itirdik.

- Niyə iki xal itirdiz?
- Diqqətsizlik oldu.

- Ronaldonun epizodu ilə bağlı nə deyə bilərsiz?
- Nə deyə bilərəm? Heç olmasa, sarı vərəqə idi.

- İndi də qazonda problem var. Bu meydança 1-ci liqadakılardan daha bərbaddı?
- Ümid edirəm ki, bu işə baxanlar nəzərə alar. Müasir futbolun meydançası bu vəziyyyətdə olmamalıdı.

- 5-ci oyundu ki, hesabda önə keçirsiz, amma qələbəni qoruya bilmirsiz. Bunların hamısı diqqətsizlikdəndi?
- Elə də çox səhv etmirik. Həlledici səhvlər olur. “Turan-Tovuz”la oyunda da belə olmuşdu. Bəxtsizlik də olur. İki diqqətsizlik, iki qol. Qışda heyət güclənəcək. Ehtiyatda 17-18 yaşlı futbolçular var. Heç bir oyunda rəqibdən geri qalmamışıq. Oyunun qırılma anı futbolçunun qırmızı vərəqə almaması oldu.

- Siz nə qədər günahkarsız?
- Əvəzetmələr haqda danışdım. Skamyada oyunu gücləndirəcək futbolçu yoxdu.

- Uğursuz seleksiyada və bu nəticələrdə siz nə qədər günahkarsız?
- Bu mövzunu bağlayaq. Prezidentlə görüşdüm. Komandayıq, hamımız günahkarıq. Ehtiyatda mərkəz müdafiəçimiz yox idi. Ovusu da qayıdacaq, Amoah da. Bundan sonra belə problemimiz olmayacaq.

- Hesab 2:0 olanda tempi aşağı saldız. Ya siz, ya da futbolçularınız…
- Rəqib açıq oynayırdı. İstifadə etməliydik. Belə meydanda onları qınaya bilmirəm. Əsas odu ki, məğlubiyyətsizlik seriyası başa çatdı. Yeni gələnlər də komandaya uyğunlaşır. Fuks yaxın zamanlarda oynayacaq. Gənclər istəniləni verə bilmir. Təcrübə çatmır.

MÜZƏFFƏR QULUZADƏ